Pêrelrivier

Die Pêrelrivier (Chinees: 珠江, Zhū Jiāng [ʈʂú tɕjɑ́ŋ], Engels: Pearl River, Portugees: Rio das Pérolas) is 'n groot suidoos-vloeiende rivier in die suidooste van die Volksrepubliek China. Die rivier, met 'n lengte van 2 400 km, mond tussen Hongkong in die ooste en Macau in die weste in die Suid-Chinese See uit. Sommige van sy bronriviere ontspring ook in Viëtnam.

Pêrelrivier
Die Pêrelrivier in Kwangtsjou.
Die Pêrelrivier in Kwangtsjou.
Die Pêrelrivier in Kwangtsjou.

Die stroomgebied van die Pêrelrivier.

Oorsprong verskillende bronne van sy sytakke
Monding tussen Hongkong en Macau in die Suid-Chinese See
Stroomgebied Yunnan, Guizhou, Guangxi, Kwangdong, Hongkong en Macau (Volksrepubliek China)
Lengte 2 400 km (1 491 myl)[1]
Mondinghoogte 0 m (0 voet)
Gemiddelde afloop 9 500 m³/s (335 489 ft³/s)[2]
Stroomgebiedopp. 453 700 km² (175 175 myl²)[3]
Kaart van die Pêrelrivier-bekken in China.
Kaart van die Pêrelrivier-bekken in China.
Die Pêrelrivier se monding soos vanaf Zhuhai gesien
Die Pêrelrivierdelta tussen Hongkong en Macau

Die Pêrelrivier vloei deur een van die belangrikste ekonomiese streke van China met groot stede soos Guilin, Dongguan, Fosjan, Sjenzhen, Kwangtsjou, Zhuhai, Hongkong en Macau. Die rivier mond in die uitgestrekte Pêrelrivierdelta uit, waar drie riviere bymekaar kom: die Noord-rivier (北江 Běijiāng; Bei Jiang), die Oos-rivier (东江 Dōngjiāng; Dong Jiang) en die Wes-rivier (西江 Xījiāng; Xi Jiang).

Verwysings
  1. (en) Encyclopaedia Britannica: Yangtze River. Besoek op 28 Februarie 2015.
  2. "Chapter 5: Plate D-6 — GES DISC: Goddard Earth Sciences, Data & Information Services Center" (in Engels). Disc.sci.gsfc.nasa.gov. Geargiveer vanaf die oorspronklike op 18 Januarie 2017. Besoek op 28 Februarie 2015.
  3. "珠江概况" (in Chinees). 珠江水利网. Geargiveer vanaf die oorspronklike op 21 Mei 2020. Besoek op 28 Februarie 2015.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.