Ou Merensky-biblioteek

Die Ou Merensky-biblioteek op die Hatfieldkampus van die Universiteit van Pretoria huisves deesdae die Edoardo Villa-museum.

Die biblioteek in 2007
Die gedenkplaat meld dat die gebou as 'n voorstudie vir die Voortrekker-monument beskou word.
Die hoeksteen is in 1937 deur genl. Jan Smuts gelê

Geskiedenis

In 1933 het die Universiteit van Pretoria besluit om 'n nuwe gebou op te rig om 'n biblioteek te huisves. Met 'n bydrae van £10 000 van dr. Hans Merensky, myngeoloog, het die konstruksie van die gebou, wat deur Gerard Moerdijk ontwerp is, in 1937 begin. Generaal Jan Smuts het die hoeksteen op 11 Oktober 1937 gelê en op 15 April 1938, vir die eeufeesherdenking van die Groot Trek, is die gebou amptelik geopen.[1]

Kulturele erfenis

Die Ou Merensky-biblioteek is op 31 Augustus 1990 deur Theodorus Gerhardus Alant, adjunkminister van nasionale onderwys, as 'n nasionale monument verklaar en word beskerm as 'n provinsiale erfenisterrein ingevolge die Wet op Nasionale Erfenishulpbronne (25/1999).[2]

Verwysings
  1. Merensky Library – artefacts.co.za, besoek op 18 Mei 2012
  2. Suid-Afrikaanse Erfenishulpbronagentskap – Item: 29965, besoek op 18 Mei 2012

Eksterne skakels

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.