Otto du Plessis-pas

Die Otto du Plessis-pas is 'n bergpas in die Oos-Kaapse Drakensberge op 'n grondpad wat Ida op die R56 en Clifford op die R396 verbind.[1][2] Die pad loop min of meer ewewydig aan die R58 tussen Barkly-Oos en Elliot. Die pas bereik 'n hoogte van 2 103 m bo seevlak en 'n besonderse maksimum steilte van 1:5. Die pas moet nie verwar word met die Otto du Plessis-pad wat uit die Swartbergpas na die Gamkaskloof lei nie.

Otto du Plessis-pas
’n Beeld van die betrokke bergpas.
Monument langs die Otto du Plessis-pas met inskripsie: "Hierdie gedenkteken is ter ere van wyle dr. Otto du Plessis wat hierdie pas op 21 Maart 1959 geopen het. Onthul deur sy edele Nico Malan administrateur van Kaapland op 1 November 1961.
Ligging Tussen Ida en Clifford
Maksimumhelling 1:5
Hoogte 2 103 m
Oppervlak Grondpad
In Drakensberg
Pad Otto du Plessis-pad

Die bergpas is vernoem na die voormalige Administrateur van Kaapland Otto du Plessis.[1][2] Twee riviere ontspring in die berg net noord van die pas, nl. die Saalboomrivier en die Vaalhoekrivier.

Sien ook

Verwysings
  1. https://www.dangerousroads.org/africa/south-africa/5197-otto-du-plessis-pass.html
  2. https://www.mountainpassessouthafrica.co.za/find-a-pass/eastern-cape/item/210-otto-du-plessis-pass.html

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.