Oos-Londenlughawe

Die Oos-Londenlughawe (IATA: ELS, ICAO: FAEL) is 'n lughawe wat Oos-Londen, 'n stad in die Oos-Kaap, bedien. Op 23 Februarie 2021 is die lughawe na Koning Phalo Internasionale Lughawe hernoem.[3]

Oos-Londenlughawe
Koning Phalo Internasionale Lughawe
IATA: ELS – ICAO: FAEL
Opsomming
Tipe lughawe Openbaar
Bedien Oos-Londen, Suid-Afrika
Hoogte bo seevlak 436 vt / 133 m
Koördinate 33°2′6″S 27°49′17″O
Webtuiste Oos-Londenlughawe
Landkaart
FAEL is in Oos-Kaap
FAEL
FAEL

Ligging van die lughawe in die Oos-Kaap

Aanloopbane
Rigting Lengte Oppervlak
m vt
11/29 1 939 6 362 Teer
06/24 1 585 5 200 Teer
Bronne: South African Aeronautical Information Publication [1] DAFIF[2]

Oos-Londen is 'n klein maar besige lughawe wat 'n belangrike rol in die ekonomiese groei van die Oos-Kaap speel. Elke dag verwelkom dit tussen 20 en 30 vlugte – wat jaarliks 346 000 mense na Oos-Londen bring. Hiervan is meer as 140 000 vakansiegangers, meestal plaaslik, en sowat 15% is buitelandse toeriste. In 2013 het die lughawe 658 363 passasiers hanteer.

Geskiedenis

Die lughawe het in 1927 ontstaan, toe lt-kol. Alistair Miller die Oos-Londense stadsraad om hulp genader het om 'n munisipale lughawe by Woodbrook, wes van die stad, op te rig.

Passasiervlugte is deur twee De Havilland Moth vliegtuie onderneem op 'n Saterdagmiddag en heeldag op Sondae, indien die weer dit toegelaat het. Vlugte kon ook bespreek word vir weeksdae, maar slegs met spesiale reëlings. In 1931 het 'n vlug van Windhoek in Namibië na Oos-Londen 11 uur geduur.

In 1944 is 'n nuwe lughawe op Collondale gebou, ongeveer 2 km wes van die huidige terminaalgebou.

In 1965 het die lughawe weer geskuif, dié keer na sy huidige perseel, 9 km wes van die middestad. Konstruksie van die terminaalgebou is in 1966 voltooi en die lughawe is vernoem na Ben Schoeman, die minister van vervoer van daardie tyd.

Die lughawe is herdoop in 1994. Sedertdien is groot veranderings aan die eindpuntgebou voltooi en 'n nuwe eerste verdieping kantoorontwikkeling is vir die lughawe se bestuurspan bygevoeg.

Infrastruktuur

Die lughawe lê 133 meter (435 voet) bo seevlak[1] en het twee geteerde aanloopbane, by name 11/29 wat 1 939 meter lank en 46 meter breed is, en 06/24 wat 1 585 meter lank en 46 meter breed is.[1]

Lugdienste en bestemmings

Passasiers

Vrag

Passasiersvolumes
Jaarlikse volume [7]
JaarPassasiers % verskil
2006 664 824 19,2%
2007 744 949 12,1%
2008 715 206 4,0%
2009 675 980 5,5%
2010 671 895 0,6%
2011 681 741 1,5%
2012 663 115 2,7%
2013 658 363 0,7%
2014 642 085 2,5%
2015 678 989 5,7%
2016 806 437 18,8%
2017 804 741 0,2%

Ongelukke
  • Op 13 Maart 1967 het die Suid-Afrikaanse Lugdiens se Vlug 406 (die Rietbok) in die see neergestort terwyl dit Oos-Londenlughawe genader het. Al 25 die passasiers en bemanning aanboord het omgekom.

Verwysings
  1. (en) "FAEL – Oos-Londen" (PDF). Suid-Afrikaanse Burgerlugvaartowerheid. 4 April 2013. Geargiveer vanaf die oorspronklike (PDF) op 9 Oktober 2019.
  2. (en) Airport information for FAEL[dooie skakel] (effektief Oktober 2006)
  3. (en) "Publication of Official Geographical Names" (PDF). Government Gazette/Staatskoerant. Republiek Suid-Afrika. 23 Februarie 2021. Besoek op 28 Februarie 2021.
  4. "While UK route remains closed, British Airways starts flying to East London – at R595 one-way".
  5. "Archived copy". Geargiveer vanaf die oorspronklike op 5 Junie 2017. Besoek op 28 Desember 2018.{{cite web}}: CS1 maint: archived copy as title (link)
  6. bidaircargo.com - Network Geargiveer 1 November 2021 op Wayback Machine besoek op 13 Januarie 2021
  7. (en) "ACSA Passenger Statistics". Airports Company South Africa. Geargiveer vanaf die oorspronklike op 29 Oktober 2021. Besoek op 23 Oktober 2021.
Hierdie artikel is in sy geheel of gedeeltelik vanuit die Engelse Wikipedia vertaal.
   
Klik vir info oor hierdie sjabloon.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.