Noongar

Die Noongar (soms ook gespel: Nyungar/Nyoongar/Nyoongah/Nyungah/Nyugah),[1] is 'n Australiese inboorlingvolk wat in die suidweste van Wes-Australië voorkom vanaf Geraldton aan die weskus tot by Esperance aan die suidkus en oos tot by Ravensthorpe en Southern Cross. 'Noongar' is ook die naam vir hul gemeenskaplike taal. Daar word vermoed dat die naam in die verskeie oorspronklike dialekte "mense" beteken. In die suide word die spelling 'Noongar' verkies wat ook 'n aanduiding is van die aksent daar.

Die Noongar groepe se ligging in Wes-Australië

Subgroepe

Voor Europese nedersetting het die Noongar volk bestaan uit sowat dertien dialekgroepe wat 'n gemeenskaplike taal en kultuur gedeel het. Daar is opgemerk dat die Noongar uitgeken kon word aan twee algemene faktore:

  • hulle het 'n woord soortgelyk aan "Noongar" gebruik om na hulself te verwys;
  • anders as die meeste ander Australiese inboorlingvolke het hulle nie besnyding op hulle manlike kinders beoefen nie. Die Noongar bestaan uit vyf tipes kulturele subgroeperinge: Perth, Nyakinyaki, Bibelmen, Wudjari en die Nyunga.

Sedert kolonisering het die Noongar hul identiteit en bewustheid van streeksgroeperinge behou. Die Noongar mense en hul kultuur is baie beïnvloed deur Europese kolonisering en ontwikkeling van Wes-Australië.

Verwysings
  1. Norman Barnett Tindale Geargiveer 26 Oktober 2005 op Wayback Machine South Australia Museum. Nagegaan op 20 September 2006.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.