Nogais

Die Nogais (Nogai: ногайлар) is 'n Turkse etniese groep wat inheems aan Suidwes-Rusland is. Hulle praat Nogai, 'n taal wat tot die Kiptsjakse groep behoort en in 'n groot mate wedersyds verstaanbaar met Kasaks is. Anders as baie van Rusland se etniese minderhede, het die Nogais nie hul eie federale deelgebied nie.

Hierdie artikel handel oor die etniese groep. Vir die taal, sien Nogai.
Nogais

Totale bevolking: ~210 000
Belangrike bevolkings  in: Vlag van Rusland Rusland 109 042[1]

Vlag van Turkye Turkye ~100 000[2]

Taal: Nogai, Russies, Turks
Geloofsoortuiging: Islam
Verwante etniese groepe: Ander Turkse volke soos Karakalpakke, Kasakke en Tartare

Die hoogste konsentrasie van Nogai-bevolking is in die Kaukasus-republieke Dagestan en Karatsjai-Tsjerkessië, waar administratiewe rajons met die naam "Nogai" bestaan. Baie Nogais woon ook in Stawropol-krai, wat tussen die twee republieke lê. Die Nogai-bevolking van Astrachan-oblast en Kalmikië word in drie afsonderlike groepe onderverdeel wat atipiese dialekte praat en sterk plaaslike identiteite het.[3]

Verwysings
  1. "Национальный состав населения [Russiese Sensus 2021]". Росстат (in Russies). Besoek op 19 Julie 2023.
  2. Jarlikapof, Achmet (15 Maart 2023). "Доклад А. А. Ярлыкапова на семинаре в г. Казань в марте 2023 г." Политическое образование (in Russies). Besoek op 19 Julie 2023.
  3. Isjmoechambetof, Ramil (2020). "К вопросу о "плавающей" идентичности у астраханских ногайцев". In Koerapof, Andrej; Alijewa, Anzjella (reds.). Астраханские краеведческие чтения. Выпуск XII: сборник статей (in Russies). Astrachan: Roman Sorokin. pp. 374–381.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.