Nikita Mazepin

In 2016 het Mazepin aan die FIA Formule 3 Europese Kampioenskap vir Hitech Grand Prix deelgeneem. Dit was 'n teleurstellende seisoen waarin hy vier punte behaal het en die 20ste plek in die kampioenskap behaal het. Nadat hy tydens 'n baansessie deur Callum Ilott geblokkeer is, het Mazepin 'n onderonsie met Ilott gehad, waartydens hy hom in die gesig geslaan het. Dit het daartoe gelei het dat hy verban is vir die eerste ren van die Hungaroring Grand Prix. Die sanksie self was kontroversieel, met Frits van Amersfoort, baas van Ilott se span, wat die besluit as te sag beskou, en het dit "'n belaglike besluit van die wedrenbeamptes" genoem.[1][2]Desondanks is Mazepin vir nog 'n seisoen behou. Hy het baie verbeter in vergelyking met sy eerste seisoen, 108 punte behaal en drie keer op die podium geëindig. Hy eindig een plek agter die spanmaat Ralf Aron, wat in die 9de plek was.

Mazepin toetsbestuur die Force India VJM11 in Barcelona, 2018

In die winter van 2019 en 2020 neem Mazepin deel aan die Asiatiese Formule 3-kampioenskap vir die Hitech Racing-span.

In 2019 het Mazepin tot Formule 2 gevorder om saam met Nyck de Vries by ART Grand Prix te jaag. Sy seisoen is veral gekenmerk weens die ongeluk wat hy met Nobuharu Matsushita in die naelloop op die Sochi Autodrom veroorsaak het. Terwyl sy spanmaat uiteindelik die kampioenskap verower het, sou Mazepin in die 18de plek eindig met 11 punte. Mazepin het vir die nuwe Hitech Grand Prix-span geteken om in 2020 saam met die Italianer Luca Ghiotto te jaag. Sy eerste podium was op die Hungaroring met 'n tweede plek, terwyl hy sy eerste F2-oorwinning in Brittanje behaal het. Mazepin het ook die ren in Mugello gewen. Op die laaste rondte van die Belgiese ren, het hy die Carlin Motorsport-jaer Juki Tsunoda wyd gedruk en is 'n straf van 5 sekondes opgelê wat hom die oorwinning gekos het.

Op 1 Desember 2020 is bekend gemaak dat Mazepin in 2021 oorbeweeg na Formule 1, as deel van die Haas F1-span.[3]

Op 5 Maart 2022 is Mazepin weggelaat (sy kontrak is gekanselleer) by Haas, omdat hy 'n Russiese burger is, terwyl Rusland oorlog maak teen Oekraïne.[4]

^† Mazepin was 'n gasbestuurder, dus kon hy geen punte verdien nie.