New Hampshire
New Hampshire [nuːˈhæmpʃər] is 'n deelstaat in die Nieu-Engeland-streek van die Verenigde State van Amerika en vernoem na die Suid-Engelse graafskap Hampshire.
| Deelstaat New Hampshire | |||||
| |||||
| Bynaam(e): The Granite State | |||||
 Kaart van die Verenigde State met New Hampshire uitgelig | |||||
| Amptelike taal(e) | Engels | ||||
| Gesproke taal(e) | Engels, Frans (3,41%) en Spaans (1,6%) | ||||
| Hoofstad | Concord | ||||
| Grootste stad | Manchester | ||||
| Area | 46ste in die V.S. | ||||
| - Totaal | 24 217 km2 | ||||
| - Wydte | 110 km | ||||
| - Lengte | 305 km | ||||
| - Water | 989 km2 | ||||
| - % water | 4,1 % | ||||
| - Breedtegraad | 42°42'N tot 45°18'N | ||||
| - Lengtegraad | 70°36'W tot 72°33'W | ||||
| Bevolking | 42ste in die V.S. | ||||
| - Totaal | 1 316 470 | ||||
| - Digtheid | 54,4/km2 20ste in die V.S. | ||||
| Hoogte | |||||
| - Hoogste punt | Mount Washington 1 917 m | ||||
| - Gemiddeld | 305 m | ||||
| - Laagste punt | Atlantiese Oseaan seevlak | ||||
| Toetrede tot die Unie | 21 Junie 1788 (9de) | ||||
| Goewerneur | Chris Sununu (R) | ||||
| Luitenant-Goewerneur | Donna Soucy (D) (Senaatspresident) | ||||
| Wetgewer | New Hampshire Algemene Raad | ||||
| - Hoërhuis | Senaat | ||||
| - Laerhuis | Huis van Verteenwoordigers | ||||
| V.S. Senatore | Jeanne Shaheen (D) Maggie Hassan (D) | ||||
| Tydsone | UTC -5 / Somertyd -4 | ||||
| Afkortings | NH US-NH | ||||
| Webblad | www.nh.gov | ||||
New Hampshire was die eerste soewereine staat op die Amerikaanse vasteland toe dit in Januarie 1776 sy onafhanklikheid van Groot-Brittanje verklaar het, asook een van die oorspronklike Dertien Kolonies wat met die Amerikaanse Onafhanklikheidsverklaring ses maande later die Verenigde State van Amerika gestig het. New Hampshire was die negende deelstaat wat die Amerikaanse Grondwet bekragtig het en ook die eerste wat sy eie grondwet afgekondig het.
New Hampshire is tans die enigste Amerikaanse deelstaat wat nóg 'n algemene verkoopbelasting (general sales tax, GST) nóg 'n persoonlike inkomstebelsting hef. In politieke opsig staan New Hampshire bekend vir sy voorverkiesing, die eerste in 'n reeks wat in die aanloop tot die vierjaarlikse Amerikaanse presidentsverkiesing in November gehou word.
Die staat se amptelike leuse, Live Free or Die, verskyn ook op die nommerplate van New Hampshire, terwyl sy bynaam The Granite State sowel na sy steengroewe asook sy tradisie van selfgenoegsaamheid verwys.
Die staat grens aan Maine en die Atlantiese Oseaan in die ooste, Vermont in die weste en Massachusetts in die suide. In die noorde is Kanada.
Demografie
New Hampshire is, nes sy buurstate Vermont en Maine, byna heeltemal wit.[1] Die aandeel van die bevolking van New Hampshire wat wit is, staan op 94%. Dit veroorsaak probleme vir migrante, wat alleen en geïsoleer kan voel.[1] Die homogeneïteit van die bevolking van New Hampshire skep ook uitdagings vir die arbeidekonomie, daar dit 'n struikelblok verteenwoordig vir werkgewers wat werknemers van verskillende etnisiteite en kulturele agtergronde wil aanstel.[1] Daar is tans planne om mense van ander rasse- en etniese groepe asook jonger mense na die deelstaat te lok.[1]
Verwysings
- Katharine Q. Seelye (27 Julie 2018). "New Hampshire, 94 Percent White, Asks: How Do You Diversify a Whole State?". The New York Times (in Engels). Geargiveer vanaf die oorspronklike op 3 Januarie 2020. Besoek op 17 Julie 2019.
Eksterne skakels
- Toerisme
- Geskiedenis
 |
Verenigde State van Amerika | .svg.png.webp){kind=small} |
||||||||||
|---|---|---|---|---|---|---|---|---|---|---|---|---|
| ||||||||||||
Normdata  |
|---|