Nicolas Jacobus Smit
Nicolas Jacobus Smit (30 Mei 1837, Graaff-Reinet - 4 April 1896) was 'n onderpresident van die Zuid-Afrikaansche Republiek en generaal tydens die Eerste Vryheidsoorlog. Na sy geboorte in Graaff-Reinet trek hy saam met sy ouers na die Transvaal. Hier veg hy in die oorloë teen die swart stamme onder andere ook teen die opperhoofde Sechele en Makapan. Hy vestig hom in Potchefstroom en word 'n veldkornet in 1864. In 1876 veg hy teen Sekoekoeni. In 1880 tree hy op sy plaas af maar met die uitbreek van die Eerste Vryheidsoorlog is hy weer na die veld. Hy onderskei hom tydens die Slag van Ingogo. Nadat vrede gesluit is, word hy 'n Volksraadlid vir Middelburg en in 1893 is hy aangestel as lid van die Onafhanklikheids-afvaardiging. In 1886 word hy onderpresident van Zuid-Afrikaansche Republiek. Hy is in 1896 oorlede.
| Nicolas Jacobus Smit | |
|---|---|
 | |
| Geboortedatum | 30 Mei 1837 |
| Geboorteplek | Doornbos, Graaff-Reinet, Kaapkolonie |
| Sterfdatum | 4 April 1896 (48 jaar oud) |
| Sterfplek | Pretoria, Zuid-Afrikaansche Republiek |
| Lojaliteit |  Zuid-Afrikaansche Republiek |
| Veldslae/oorloë | Eerste Vryheidsoorlog |