Nicolas Cage

Nicolas Kim Coppola (gebore op 7 Januarie 1964),[1] professioneel bekend as Nicolas Cage, is ’n Amerikaanse akteur en rolprentvervaardiger. Hy het die hoofrol in ’n verskeidenheid prente vertolk, van romantiese komedies en dramas tot wetenskapsfiksie- en aksieprente.[2]

Nicolas Cage
'n Beeld van die betrokke persoonlikheid.
Cage in 2009 by die Venesiese Rolprentfees.
Geboortenaam Nicolas Kim Coppola
Geboorte 7 Januarie 1964 (1964-01-07)
Aktiewe jare 1980-tans

Familie

Cage is in Long Beach, Kalifornië, gebore as die seun van August Coppola, ’n letterkundeprofessor, en Joy Vogelsang, ’n danser en choreograaf.[3][4] Sy pa se ouers was die komponis Carmine Coppola en aktrise Italia Pennino. Hy is deur sy pa ook ’n broerskind van die regisseur Francis Ford Coppola en die aktrise Talia Shire, en die neef van die regisseurs Roman Coppola en Sofia Coppola.[5][6]

Sy twee broers is ook in die vermaakbedryf.

Loopbaan
Cage se ster op die Hollywood Walk of Fame.

Om die skyn van nepotisme te vermy het hy sy naam vroeg in sy loopbaan na Nicolas Cage verander, na aanleiding van die Marvel Comics-superheld Luke Cage.[7]

In die vroeë jare van sy loopbaan was hy te sien in prente soos Valley Girl (1983), Racing with the Moon (1984), Birdy (1984), Peggy Sue Got Married (1986), Raising Arizona (1987), Moonstruck (1987), Vampire's Kiss (1989), Wild at Heart (1990), Honeymoon in Vegas (1992) en Red Rock West (1993).

Hy het ’n Oscar, Golden Globe en Screen Actors Guild Award gewen vir sy spel as ’n Hollywoodse alkoholis-skrywer in Leaving Las Vegas (1995) voordat ’n groter gehoor van hom begin kennis neem het in hoofstroomprente soos The Rock (1996), Face/Off (1997), Con Air (1997), City of Angels (1998) en National Treasure (2004). Hy het sy tweede Oscar-benoeming gekry vir sy spel as Charlie en Donald Kaufman in Adaptation (2002). In dieselfde jaar was hy die regisseur van Sonny. Hy besit die vervaardigingsmaatskappy Saturn Films en het prente gemaak soos Shadow of the Vampire (2000) en The Life of David Gale (2003).

Hy het weer groot lof gekry vir sy spel in prente soos The Weather Man (2005), Lord of War (2005), The Bad Lieutenant: Port of Call New Orleans (2009) en Kick-Ass. Sy prente Ghost Rider (2007) en Knowing (2009) was lokettreffers.

Cage is die afgelope paar jaar gekritiseer vir sy swak rolkeuses.[8][9] Hy het egter onlangs verskyn in The Croods en Joe, wat albei goeie resensies gekry het.

Verwysings
  1. Naden, Corinne J.; Blue, Rose (2003). Nicolas Cage. Lucent Books.
  2. HAT Taal-en-feitegids, Pearson, Desember 2013, ISBN 978-1-77578-243-8
  3. "Nicholas Cage is back with digit-al thriller 'Knowing'". New York: Daily News. Geargiveer vanaf die oorspronklike op 30 Julie 2012. Besoek op 27 Julie 2011.
  4. "This much I know: Karen Koster" (in Engels). Irish Examiner. Geargiveer vanaf die oorspronklike op 30 November 2012. Besoek op 27 Julie 2011.
  5. Markovitz, Adam (14 Desember 2007). "Coppola Family Flow" (in Engels). Entertainment Weekly. Geargiveer vanaf die oorspronklike op 27 Februarie 2011. Besoek op 20 Oktober 2014.
  6. "Francis Ford Coppola's Hollywood family tree" (in Engels). cnn. 15 Julie 2009. Geargiveer vanaf die oorspronklike op 20 Junie 2018. Besoek op 21 Oktober 2014.
  7. "Nicolas Cage Biography" (in Engels). biography.com. Geargiveer vanaf die oorspronklike op 7 April 2019. Besoek op 20 Oktober 2014.
  8. Pomerantz, Dorothy. "Will 'Season of the Witch' Hurt Nicolas Cage's Quote?". Forbes (in Engels). Geargiveer vanaf die oorspronklike op 16 Mei 2020. Besoek op 9 September 2013.
  9. Rabin, Nathan (13 September 2012). "Stolen Preview" (in Engels). AV Club. Geargiveer vanaf die oorspronklike op 29 Oktober 2013. Besoek op 14 Mei 2014.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.