Nephthys

Nephthys was in die Egiptiese mitologie ’n lid van die Ennead van Heliopolis, ’n dogter van Noet en Geb. Sy is saam met haar suster, Isis, verbind met begrafnisrituele[1] vanweë haar rol as die beskermer van mummies en die god Osiris, en as die suster en vrou van Set.

Nephthys
Nephthys is gewoonlik uitgebeeld as ’n jong vrou met ’n hoofbedekking in die vorm van ’n huis en mandjie.
Nephthys is gewoonlik uitgebeeld as ’n jong vrou met ’n hoofbedekking in die vorm van ’n huis en mandjie.
Soort godin Egipties
Godin vanDie dood, diens, weeklag en die nag
Naam in hiërogliewe
O9t
H8
SimboolDie huis, mummieverbande
OuersGeb en Noet
SibbesIsis, Osiris, Haroeris, Set
MetgeselSet
KindersAnoebis
Portaal  Portaalicoon   Antieke Egipte

Rol

Teen die tyd van die 5de-dinastiese Piramidetekste het Nephthys haar verskyning gemaak as godin van die Ennead. Sy is beskryf as ’n godin van goddelike hulp en beskerming. Sy word in sommige mites beskou as die ma van die begrafnisgod, Anoebis.[2][3]

As hoofversorger van die farao-god Horus was Nephthys ook die versorger van die heersende farao.[4] Soms is sy uitgebeeld as ’n gevaarlike godin wat die farao se vyande met haar vurige asem kon verbrand.[5]

Verwysings
  1. Abeer El-Shahawy books.google.co.uk The funerary art of Ancient Egypt: a bridge to the realm of the hereafter], American University in Cairo Press, 2005 ISBN 977-17-2353-7, besoek op 2011-12-12
  2. G. A. Wainwright, Seshat and the Pharaoh, The Journal of Egyptian Archaeology, Vol. 26, (Feb., 1941), pp. 30-40
  3. Virginia Schomp, The Ancient Egyptians, Marshall Cavendish, 2007, p. 27
  4. K.A. Kitchen, Ramesside Inscriptions, 1993, Blackwell
  5. Sauneron, Elephantine, Beitrage Bf. 6, 46 n.d.; Traunecker, Karnak VII, 184 n. 2; Cauville, 'Essai,' 152 n.7

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.