Nadia Valvekens

Nadia Valvekens (gebore 5 Maart 1982 in Pretoria), is 'n Suid-Afrikaanse aktrise, wat soos haar ma, Cecile, en jonger suster, Natasha, in Centurion grootgeword het. Nadia het aan die Hoërskool Eldoraigne matrikuleer en was reeds op daardie stadium van haar lewe vir 12 jaar betrokke in drama as ʼn buitemuurse aktiwiteit.

Nadia Valvekens
Geboorte 5 Maart 1982 (1982-03-05)
Pretoria
Nasionaliteit Suid-Afrika
Beroep(e) Aktrise
Internet-rolprentdatabasis-profiel

Sy het BA Drama studeer aan TUT (Tshwane-Universiteit vir Tegnologie) in Pretoria. Tydens haar driejaarlange studies was sy by verskeie teaterproduksies betrokke, onder andere Maid in the New South Africa, waar sy die voorreg gehad het om saam met Clive Morris te werk. In 2003 aan die einde van haar studies het sy haar eerste werk as mede-aanbieder van die SABC2-programreeks, Nutsman, gekry.

Daarna het sy 'n klein rol as 'n sekretaresse in die M-Net televisiereeks, Egoli: Plek van Goud, gekry. In 2004 is sy deur Danie Odendaal gekies vir die SABC 2-televisiesepie, 7de Laan, vir die rol Nicole Kannemeyer. Sedert 2005 is Valvekens ook betrokke by ander televisiereekse, soos Scandal, op die E-TV-kanaal.

Film
  • The Road, kortfilm (2002)
  • Daddy, kortfilm (2002)
  • Henley-on-Klip, vertolk die rol Rina Hartmann (2010)
  • The Deadline, kortfilm, vertolk die rol van Sarah (2015)

Televisie
  • Diepe Waters, vertolk die rol van Sanet (2022)[1]
  • Villa Rosa (2005)
  • Scandal, vertolk die rol van Britney (2005)
  • 7de Laan, vertolk die rol van Nicole Kannemeyer (2004)
  • Song vir Katryn, vertolk die rol van 'n sekretaresse (2004)
  • Nutsman, mede-aanbieder (2003)
  • Binnelanders, vertolk die rol van Pippa Venter (2005 – 2018)
  • Dryfsand, vertolk die rol van Petra (2005)
  • Hotel, vertolk die rol van Nadia (2019)
  • Projek Dina, vertolk die rol van Joyce (2020)
  • Bottervissie in die Jem, vertolk die rol van Monica (2018)
  • My Vasteland, aanbieder van die program, (2011)

Teater
  • Aladin, vertolk die rol van Jasmyn (2005)
  • Maid In The New South Africa, vertolk die rol van Fransie (2002)
  • Binnelanders Buiteweste, 'n produksie gebaseer op die kykNET-televisiereeks, Binnelanders (2007)
  • Huishou, vertolk die rol van Dirkie (2018)
  • Hartklop, vertolk die rol van Jessica (2017)

Toekennings
  • ATKV-mediaveertjie nominasie: Beste Aktrise in 'n sepie (2011)
  • ATKV-mediaveertjie toekenning: Beste Aktrise in 'n sepie (2012)
  • Huisgenoot-Tempo nominasie: Beste Aktrise in 'n sepie (2014)
  • Huisgenoot-Tempo nominasie: Beste Aktrise in 'n sepie (2015)
  • Huisgenoot-Tempo nominasie: Beste Aktrise in 'n sepie (2016)
  • Tswane Universiteit van Tegnologie-toekenning: Beste Aktrise, vir haar rol in The Road: Daddy en Dadday (2003)

Verwysings
  1. https://www.dstv.com/kyknet/af-za/program/diepe-waters

Bronnelys
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.