Na'akueto La'ab

Na'akueto La'ab was negus (koning) van Ethiopië en lid van die Zagwe-dinastie. Die Ethiopiese historikus Taddesse Tamrat meen hy was die seun van Kedoes Harbe.[1] Volgens die Brits-Ethiopiese akademikus Richard Pankhurst het hy die kerk laat bou wat in ’n grot sowat ’n halwe dag se reis van die dorp Lalibela geleë is.[2] Volgens een manuskrip het hy 40 jaar lank regeer, maar dit is ’n agterdogwekkende ronde getal.[3]

’n Priester van die Kloosterkerk van Na'akueto La'ab met ’n uitbeelding van die legende van konings.

’n Hagiografie van Na'akueto La'ab wat in die 17de eeu geskryf is, bestaan nog. Volgens Huntingford lui die dokument dat Zagwe-mag tot in Gojjam gestrek het en dat die koning twee kerke laat bou het.[4]

Volgens tradisie het koningin Maskal Kibra haar man, koning Lalibela, oorreed om in Na'akueto La'ab se guns te abdikeer, maar hom 18 maande later oorreed om die troon terug te neem. Tamrat glo egter nie Lalibela se heerskappy het so vreedsaam tot ’n einde gekom nie. Hy meen die tradisie laat ’n tydperk weg toe Na'akueto La'ab in staat was om steun te werf en die troon vir ’n kort rukkie oor te neem, totdat Jetbarak sy pa se troon teruggeneem het.[5]

Verwysings
  1. Taddesse Tamrat, Church and State in Ethiopia (Oxford: Clarendon Press, 1972), p. 56n.
  2. Richard Pankhurst, The Ethiopians: A History (Oxford: Blackwell, 2001), p. 53
  3. G.W.B. Huntingford, "'The Wealth of Kings' and the End of the Zāguē Dynasty", Bulletin of the School of Oriental and African Studies, 28 (1965), p. 8
  4. G.W.B. Huntingford, Historical Geography of Ethiopia from the first century AD to 1704 (London: British Academy, 1989), p. 68
  5. Taddesse Tamrat, pp. 62ff

Skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.