My Verhaal

My Verhaal is Franja du Plessis se debuutalbum, uitgereik op 8 Julie 2016. Haar eerste enkelsnit op die album, Stad van Verlange, is binne twee maande na sy vrystelling reeds deur meer as 200 000 mense op YouTube gekyk. Op 22 Junie 2018 behaal die video 1 miljoen kyke op YouTube. Haar tweede enkelsnit "Ek Kan Nie Ophou Kyk" behaal ook 1 miljoen kyke op YouTube in Julie 2018.

My Verhaal
van Franja du Plessis
Vrygestel8 Julie 2016
AteljeeJuanita Records
GenreAfrikaans Pop
Speeltyd57:28
EtiketWow Music
ProdusentStass

Juanita du Plessis

Franja du Plessis

Al sestien snitte kom uit Franja se eie pen. Die titelsnit, My verhaal bied 'n uitnodiging aan die luisteraar om Franja se lewensverhaal deur middel van al haar liedjies beter te kan leer ken. Die soet en die suur van verhoudings word albei binne die oorhoofse liefdestema van hierdie album aangespreek. Stad van verlange vertel die verhaal van onbeantwoorde liefde wat na afloop van baie jare weer herroep word.

Die ballade Regte een vertel die verhaal van elke mens se soeke na 'n lewensmaat en 'n sielsgenoot. Die album bevat ook die lied In twee geskeur, wat spesiaal deur Franja geskryf is vir die musiekrolprent As jy sing, waarin sy die rol van Marna de Jager vertolk het. [1]

My Verhaal behaal platinumstatus met meer as 40 000 eenhede reeds verkoop.

Snitlys
Nr.TitelSkrywer(s)Speeltyd
1."Stad van Verlange"Franja du Plessis3:52
2."My Verhaal"Franja du Plessis2:55
3."Dra Jou Hart"Franja du Plessis3:42
4."Ek Kan Nie Ophou Kyk"Franja du Plessis3:18
5."Regte Een"Franja du Plessis4:03
6."Kom Klim Nou Uit"Franja du Plessis3:20
7."In Twee Geskeur"Franja du Plessis3:38
8."My Gunsteling"Franja du Plessis3:49
9."Dorp Rooi Verf"Franja du Plessis2:48
10."Behoort Aan Jou"Franja du Plessis3:36
11."Terug Na Die Begin"Franja du Plessis4:02
12."'n Beter Plek"Franja du Plessis4:37
13."Mooier As 'n Mens"Franja du Plessis2:54
14."Wil Jou Hart Nooit Breek"Franja du Plessis3:40
15."Bly Altyd Hoop"Franja du Plessis3:26
16."Kyk Dwarsdeur My"Franja du Plessis3:48
Totale speeltyd:57:28

Verwysings
  1. "argiefkopie". Geargiveer vanaf die oorspronklike op 12 Desember 2019. Besoek op 17 Mei 2018.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.