Mustafa I

Mustafa I Deli (Ottomaanse Turks: مصطفى اول, moderne Turks: I.Mustafa; 1591/1592 – 20 Januarie 1639) was van 1617 tot 1618 en weer van 1622 tot 1623 sultan van die Ottomaanse Ryk.

Mustafa I
Sultan van die Ottomaanse Ryk Kalief van Islam
Volle naam	Sultan Mustafa I Deli
Ottomaanse naam	مصطفى اول
Stadium	Groei van die Ottomaanse Ryk
Huis	Osman
Tydperk	1617–1618
Voorganger	Ahmet I
Opvolger	Osman II
Tydperk	1622–1623
Voorganger	Osman II
Opvolger	Murat IV
Toegra

Hy was die seun van Mehmet III en die broer van Ahmet I. Nadat Ahmet op ’n jong ouderdom aan tifus dood is, is berig dat Mustafa geestelik gestrem of minstens neoroties was; hy was nooit meer as ’n instrument in die hande van die mense wat om die mag geveg het nie. Tydens die bewind van sy broer is hy vir 14 jaar alleen in sy kamer gevange gehou, ’n stelsel bekend as Kafes.

In 1618, ná ’n kort heerskappy, is hy onttroon ten gunste van sy jong nefie Osman II (1618–1622) en teruggestuur na Kafes. Konflik tussen die paleiswag en Osman II het hom ’n tweede kans gegee. Nadat Osman II in 1622 deur die paleiswag vermoor is, is Mustafa teruggeplaas op die troon. Hy was egter nie in staat om te regeer nie en Osman se jonger halfbroer, Murat IV, het hom weer laat opsluit en die bewind oorgeneem. Mustafa is 16 jaar later oorlede.