Musina

Musina (voorheen Messina), is 'n dorp in die noorde van Suid-Afrika in die Limpopoprovinsie. Musina het 'n bevolking van sowat 43 000 mense. Die N1 nasionale pad gaan deur Musina; noord na Beitbrug en suid na Louis Trichardt. Musina is die noordelikste dorp in Suid-Afrika en is 2 000 km vanaf Kaapstad.

Musina

voorheen Messina
Dorp
Musina is in Limpopo
Musina
Musina
 Musina se ligging in Limpopo
Koördinate: 22°20′17″S 30°02′30″O
LandVlag van Suid-Afrika Suid-Afrika
ProvinsieLimpopo
DistrikVhembe
MunisipaliteitMusina
Stigting1968
Oppervlak
 • Totaal109,38 km2 (42,23 vk. myl)
Bevolking
 (2011)[1]
 • Totaal42 678
 • Digtheid390/km2 (1 000/vk. myl)
Rasverdeling (2011)
 • Wit mense5.1%
 • Indiërs/Asiërs0.7%
 • Bruin mense0.4%
 • Swart mense93.3%
 • Ander0.5%
Taal (2011)
 • Venda 48.8%
 • Sotho 11.7%
 • Noord-Sotho 10.4%
 • Engels 5.4%
 • Ander 23.7%
Poskode (strate)
0900
Skakelkode015
Webwerfhttp://www.musina.gov.za
Hierdie artikel handel oor 'n dorp in die noorde van Suid-Afrika. Vir die stad in Italië, sien Messina.

Vroeëre geskiedenis

Daar is genoegsame aanduidings dat yster en koper reeds in prehistoriese tye hier gemyn is. Die eerste blanke prospekteerders en myners het baie tonnels, skagte en uitskothope gevind. Onlangs is yster ontgin deur mense wat as die Musina bekend geword het. In Venda beteken dit die bederwer. Die Musina het hul vroue al die werk laat doen. Hulle het skagte gegrawe met ystergrawe en die erts is met mandjies opgehys. Dit is fyngekap met hamers en in oonde gevoer wat toegerus was met blaasbalke. Gietstukke wat so gemaak is, is gebruik as geld of ruilmiddels. Koper is ook gebruik om kombuisgereedskap te maak. Dit is onbekend waarom die Musina die gebied verlaat, of uitgesterf het.

Geskiedenis

Na die Tweede Vryheidsoorlog het John Grenfell prospekteerwerk in die omgewing gedoen, nadat hy van die antieke myne te hore gekom het. Hy het 'n maatskappy gestig en later ontdek dat die plaas Berkenhead 'n berg van koper was. Die Messina Development Company is in 1905 gestig om sowel die myne as die dorp te ontwikkel. Die dorp is in 1915 geproklameer en het in 1968 'n munisipaliteit geword.

Distrik

Die distrik is ongeveer 6 000 km2 groot. Sitrus, subtropiese vrugte en groente - langs die Limpoporivier - is van die belangrikste gewasse wat in die distrik verbou word. Veeboedery maak ook 'n groot bydrae. Die distrik is ook bekend vir sy kremetartbome. Daar is 'n kremetartreservaat van ongeveer 150 km2 om die dorp verklaar. Daar is 'n kremetartboom op die plaas Nonsiang wat ongeveer 26 m hoog is met 'n omtrek van 19 m en is waarskynlik 4 500 jaar oud.

Sien ook

Bron

Verwysings
  1. "Hoofplek Musina". Sensus 2011.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.