Muscat Internasionale Lughawe

Muscat Internasionale Lughawe (voorheen Seeb Internasionale Lughawe)[1] is die grootste internasionale lughawe in Oman en is geleë in Seeb, 32 km vanaf die ou stad en hoofstad Muscat binne die Muscat metropolitaanse gebied. Die lughawe dien as die spilpunt vir die vlagdraer Oman Air, en Oman se eerste laekostelugredery Salam Air bied vlugte na verskeie streeksbestemmings sowel as sommige interkontinentale dienste na Asië, Afrika en Europa.

Muscat Internasionale Lughawe
Arabies: مطار مسقط الدولي
IATA: MCT – ICAO: OOMS
Opsomming
Tipe lughawe Openbaar
Operateur Oman Lughawens
Bedien Muscat, Oman
Spil vir
Koördinate 23°35′18.92″N 58°17′26.16″O
Landkaart
MCT is in Oman
MCT
MCT
Ligging van die lughawe in Oman
Aanloopbane
Rigting Lengte Oppervlak
m vt
08R/26L 3 584 11 758 Teer
08L/26R 4 000 13 123 Teer
Statistieke (2017)
Totale passasiers 14 034 865
Totale lugbewegings 114 258

Geskiedenis

Die lughawe het in 1973 as Seeb Internasionale Lughawe geopen en 'n kleiner vliegveld in Bayt al Falaj vervang.[2]

Ná die magsoorname deur Sultan Qaboos bin Said al Said, is planne vinnig opgestel vir 'n nuwe lughawe. Konstruksie het in 1970 begin en die lughawe is amptelik op 23 Desember 1973 geopen onder die naam Seeb Internasionale Lughawe. Die ou Bait Al Falaj-lughawe is heeltemal gesloop. Op 1 Februarie 2008 is die lughawe se naam verander na Muscat Internasionale Lughawe.[1] Om bykomende passasiers en vrag te kan hanteer, is 'n nuwe aanloopbaan gebou, wat tussen die terminaal en die kus geleë is. Hierdie aanloopbaan is 4 000 meter lank en 60 meter breed. Die totale belegging van hierdie uitbreiding is op VS$ 1,8 miljard geraam.

In 1929 is Oman se eerste lughawe - Bait Al Falaj - geopen. Daar was skaars enige infrastruktuur en die aanloopbaan was nie geplavei nie. Benewens militêre lugverkeer is die lughawe ook deur oliemaatskappye gebruik om personeel na en van Oman te vervoer. In die 1960's het Gulf Air begin om aktiwiteite by die lughawe te ontplooi.

Dit het in die verlede Britse Lugmag BAe Nimrods gehuisves, ook tydens die Golfoorlog in 1991. Hierdie vliegtuie het saamgewerk met die Koninklike Vloot van Oman in die 'Magic Roundabout'-oefenreeks. Die basis is gebruik deur 'n afdeling van Vickers VC10-tenkwaens van No. 101 Eskader RAF tydens die Golfoorlog- opleiding met Britse Lugmag SEPECAT Jaguars.[3]

Fasiliteite

Die hele lughawe is versprei oor 'n gebied van 5 250 hektaar (21 km²). Dit het oorspronklik slegs een passasiersterminaalgebou, een aanloopbaan sowel as geringe vrag- en instandhoudingsfasiliteite gehad. 'n Deel van die uitbreiding van die lughawekompleks het behuising vir lughawewerknemers en werknemers van Oman Air gehad.

Die "Royal Flight of Oman" en die Koninklike Lugmag van Oman is by die lughawe gesetel en die RAFO deel ook sy fasiliteite met die lughawe. 'n Koninklike terminaal en Royal Flight loodse is langs die ou terminaal geleë.

Sedert 2019 is die Aaronia AARTOS C-UAS hommeltuigopsporingstelsel hier geïnstalleer[4] wat dit die eerste internasionale lughawe ter wêreld maak wat 'n operasionele hommeltuigopsporingstelsel het.

Terminaal 1 (nuwe terminaal)

Die lughawe se nuwer en aansienlik groter terminaal is geleë noord van die bestaande terminaal en die eerste aanloopbaan, en het in 2018 geopen. Hierdie nuwe gebou het aanvanklik die lughawe se kapasiteit tot 20 miljoen passasiers per jaar verhoog na voltooiing van die eerste fase.[5] Die terminaal beslaan 580 000 m² en beskik oor 118 inweegtoonbanke, 10 bagasie-afhaalgondels, 82 immigrasietoonbanke, 45 hekke en 'n nuwe beheertoring van 97 meter. Die nuwe terminaal is tussen die ou en nuwe aanloopbane geleë en is in staat om groot vliegtuie soos Airbus A380's en Boeing 747-8's te hanteer.[6] Die terminaal het op 18 Maart 2018 geopen, met die eerste vlug, 'n Oman Air-vlug vanaf Najaf, het om 18:30 aangekom.[7]

Terminaal 2 (ou terminaal)

Terminaal 2 is 'n enkelgebou, tweeverdieping, T-vormige passasiersterminaal. Dit is in 1970 gebou en in 1973 geopen as 'n plaasvervanger vir die Bait al-Falaj-lughawe. Dit is gedurende die laaste jare verskeie kere uitgebrei om voorsiening te maak vir groeiende passasiersgetalle.[8] Hierdie terminaal het 58 inboektoonbanke, 23 vertrekhekke, vier bagasie-afhaalgondels en verskeie dienstoonbanke en winkels gehad. Gedurende sy bedryfsjare is passasiers en bemanning met pendelbusse na en van die vliegtuie vervoer, aangesien die terminaal geen lugbrûe gehad het nie.[8]

Die laaste internasionale vlug wat vanaf die ou terminaal vertrek het, was 'n Oman Air-vlug na Zürich, Switserland, terwyl nog 'n Oman Air-vlug op pad na Salalah die laaste binnelandse vlug was.[7] Daar is beplan om die ou fasiliteit te herontwikkel in 'n laekostediensterminaal,[9] maar in plaas daarvan, is dit omskep in 'n veldhospitaal en Covid-19-inentingsterrein sedert die uitbraak van die Covid-19-virus.

Statistiek
Lugfoto van die hele lughawe toon die nuwe terminaal (middel) en die ou fasiliteite (bo)
Terminaal 2, die ou hoofgebou
Oman Air Airbus A330-300's op die kant van die ou terminaal geparkeer. Voor die opening vd nuwe terminaal, was daar geen lugbrûe beskikbaar nie.
Jaarlikse passasiers en vragtotaal[10]
Jaar Passasiers Vrag in MT Lugbewegings
2020 4 085 499 109 806 35 188
201916 038 844 240 285 117 601
201815 392 095 212 764 118 698
201714 061 732 200 852 114 360
201612 031 496 180 332 103 326
201510 315 358 154 868 103 915
20148 709 505 121 368 92 347
20138 310 927 120 667 90 223
20127 546 716 112 306 81 486
20116 479 860 98 085 78 650
20105 752 017 96 696 79 710
20094 558 002 63 764 66 872
20084 001 393 57 887 58 346
20074 219 000 76 448 49 806
2006 4 778 000 97 908 49 901
2005 4 071 000 76 563 52 781
2004 3 461 000 67 151 43 622
2003 2 886 000 48 630 42 330
2002 2 447 000 46 934 39 555
2001 2 700 992 [11] 71 830 [11] 35 064[11]
2000 2 721 393[11] 69 696[11] 36 082[11]

Verwysings
  1. "Oman Airports". www.omanairports.co.om. Geargiveer vanaf die oorspronklike op 27 Augustus 2017. Besoek op 13 Junie 2015.
  2. "Airport History". Oman Airports Management Company. Geargiveer vanaf die oorspronklike op 9 Maart 2012. Besoek op 24 Oktober 2012.
  3. "19 Years Over Iraq". The Official RAF Annual Review 2010. Stamford: Key Publishing: 9. 5 Desember 2010.
  4. "Drone Detection System for Muscat Intl Airport". 14 Julie 2019. Besoek op 14 Julie 2019.
  5. "New terminal complex for Muscat International Airport". Bechtel.
  6. omanairports.co.om - New Airport Development Geargiveer 20 Februarie 2016 op Wayback Machine verkry 30 September 2016
  7. "As it happened: Opening of new Muscat International Airport terminal". Times of Oman. 20 Maart 2018. Besoek op 10 September 2022.
  8. omanairports.co.om - Airport Development Geargiveer 3 April 2016 op Wayback Machine
  9. "New Muscat airport terminal to open on March 20". gulfnews.com. 31 Januarie 2018.
  10. "Transport - Data Portal". data.gov.om. Besoek op 17 Augustus 2022.
  11. "Welcome to OAMC". 13 Maart 2012. Geargiveer vanaf die oorspronklike op 13 Maart 2012. Besoek op 17 Augustus 2022.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.