Murlough Beach

Murlough Beach is 'n wye, plat sandstrand, met 'n rant spoelklippies net bokant die hoogwaterpeil, wat oor 'n afstand van vyf myl langs die Ierse Seekus tussen Newcastle en Dundrum in die Noord-Ierse graafskap Down strek.

Murlough Beach
Murlough Beach in die Septemberson
Murlough Beach in die Oktoberson, met Newcastle en die Mourne Mountains in die agtergrond
Die sandduine van die Murlough-natuurreservaat sluit regstreeks by die spoelklippiesrant aan

Die strand word begrens deur die Nasionale Murlough-natuurreservaat, 'n uitgestrekte sandduinstelsel wat sowat 6000 jaar gelede gevorm is en sedert 1967 deur die National Trust bestuur word.[1] Die natuurreservaat word deur 'n netwerk van paaie en houtpaaie vir besoekers ontsluit. Murlough Beach se buitengewone ligging tussen die natuurreservaat, die bergreeks Mourne Mountains en die Ierse See maak van die strand 'n gewilde bestemming vir staptoeriste en voëlkykers.

Verwysings
  1. National Trust: Murlough National Nature Reserve. Besoek op 30 Januarie 2018

Eksterne skakels
Natuurreservate
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.