Mtunzini

Mtunzini is 'n kusdorpie aan die N2-nasionale pad ongeveer 140 km noord van Durban in KwaZulu-Natal. Dit lê een uur per motor van Hluhluwe-Imfolozipark en iSimangaliso-vleilandpark. Dit is gewild by binnelanders oor die skoolvakansies, veral as gevolg van matige temperature tydens die wintermaande. Die naam is afgelei van ’n Zoeloe-woord wat “in die skadu” beteken.

Mtunzini
Mtunzini is in KwaZulu-Natal
Mtunzini
Mtunzini
 Mtunzini se ligging in KwaZulu-Natal
Koördinate: 28°57′S 31°45′O
LandVlag van Suid-Afrika Suid-Afrika
ProvinsieKwaZulu-Natal
DistrikKing Cetshwayo
MunisipaliteituMlalazi
Oppervlak
 • Totaal10,43 km2 (4,03 vk. myl)
Bevolking
 (2011)[1]
 • Totaal2 199
 • Digtheid211/km2 (550/vk. myl)
Rasverdeling (2011)
 • Wit mense72.0%
 • Indiërs/Asiërs1.3%
 • Bruin mense1.2%
 • Swart mense25.1%
 • Ander0.4%
Taal (2011)
 • Engels 48.9%
 • Afrikaans 33.5%
 • Zoeloe 14.6%
 • Ander 2.9%
Poskode (strate)
3867
Poskode (posbusse)
3867
Skakelkode035
Mtunzini se strand
Umlalazi-lagune teen skemer

Permanente inwoners: ongeveer 2 200 (ongeveer 34% is Afrikaanssprekend).

Ekonomie

Die dorp het geen groot nywerhede nie, maar wel enkele kleiner ondernemings. Die meeste inwoners werk in omliggende dorpe. In die verlede het akademici en afgetrede suikerboere hulle hier gevestig. Die toerisme- en vakansiebedryf lewer ’n aansienlike inkomste. Gereelde kragonderbrekings en sporadiese waterskaarste kom voor. Daar is ook 'n aanbod van werk uit die naasliggende stamgebiede.

Ligging

Die naaste dorpe is: Ezikhawini (22 km by Universiteit van Zoeloeland); Empangeni (37 km); Richardsbaai (47 km) en Eshowe (44 km). Die reis van Johannesburg na Mtunzini duur ongeveer 6 uur per motor via Standerton, Volksrust en Vryheid. Soos die kraai vlieg, is Mtunzini die naaste kusdorp aan Johannesburg. Dit is een van die redes waarom Telkom se SAFE optiese veselkabel van die Ooste (Singapoer) en SEACOM se optiese veselkabel vanaf Oos-Afrika hier aanland.

Mtunzini beslaan Wyk 9 van die uMlalazi Plaaslike Munisipaliteit, met hoofkantoor in Eshowe.

Besienswaardighede en vermaak

Die Raphiapalm opelug-monument is die tuiste van die bedreigde Witaasvoël (Gypohierax angolensis). Oor die 860 voëlsoorte is al in die inheemse kusbos opgemerk. Daar is ook die Umlalazi-natuurreservaat met 'n besienswaardige wortelboommoeras en -ekostelsel. Gewilde aktiwiteite is perdry, visvang, waterski, diepseehengel, die gebruik van die wandelpaaie in die kusbos en die benutting van die swemstrand (20 km skoon strande). Die dorp het ook 'n buiteklub met muurbal- en gholfbane.

Distrik

Die distrik is 1 100 km2 groot. Die belangrikste ekonomiese aktiwiteit is suikerriet en denneplantasies. Exxaro, 'n Suid-Afrikaanse mynmaatskappy, het gedurende 2012 bekend gemaak dat hy 'n lisensie bekom het om die Fairbreeze-myn, suid van Mtunzini, tot stand te bring. Die plaaslike gemeenskap staan dit teen.

Leesstof

Sien boek The history of Mtunzini, volume 1 en 2, deur F.A. van Jaarsveld.

Sien ook

Eksterne Skakels

Verwysings
  1. "Hoofplek Mtunzini". Sensus 2011.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.