Msikaba-brug
Die Msikaba-brug is deel van die beoogde roete van die N2-hoofpad langs die Wildekus van die Oos-Kaap.
Hierdie brug oor die Msikabarivier is in aanbou by die koördinate 31°17′31.5″S 29°47′49.2″O, by die nedersetting Nkcele, ongeveer 15 km stroomop van die riviermonding af. Dit is net wes van die Mkambati-natuurreservaat en noordoos van Lusikisiki (historiese Pondoland).
Die brug van 580 m in lengte gaan tussen spanmaste hang op elke oewer, elk 127 m hoog. Die brug sal na verwagting 195 m bo die rivierbedding wees.
Dit is ontwerp deur die Deense firma Dissing + Weitling en die kontrak vir die bou daarvan is in 2017 toegeken aan die firmas Concor Mota en Engil. Ná die beoogde voltooiing teen die einde van 2030 sal die brug een van die grootse in Afrika wees.
Lees ook
- Mtentu-brug, ook op die N2 Wildekus-tolroete.