Mpumalanga

Mpumalanga is een van die nege provinsies van Suid-Afrika. Die hoofstad is Nelspruit (sedert 2009 ook bekend as Mbombela). Mpumalanga, wat "die plek waar die son opkom" beteken, was vroeër bekend as Oos-Transvaal. Behalwe dat dié provinsie uit 'n deel van die ou provinsie Transvaal gekerf is, is dit ook saamgestel uit dele van vier gewese Bantoestans (tuislande): KaNgwane, KwaNdebele, Gazankulu en Lebowa.

Hierdie artikel handel oor 'n provinsie in Suid-Afrika. Vir die dorp in KwaZulu-Natal, sien Mpumalanga, KwaZulu-Natal.
Mpumalanga

Vlag
Wapen
Oppervlak 76 495 vk km[1]
Bevolking (2011)[2] 4 039 939
Bevolking (2017 skat) 4 440 000
Bevolkingsdigtheid 53 / vk km
Tale[2] Swazi (27,7%), Zoeloe (24,1%), Tsonga (10,4%), Suid-Ndebele (10,1%), Noord-Sotho (9,3%), Afrikaans (7,2%)
Etniese verdeling[2] Swart mense (90,7%), Wit mense (7,5%),
Bruin mense (0,9%),
Asiërs (0,7%)[3]
Hoofstad Nelspruit (Mbombela)
Premier Refilwe Mtsweni-Tsipane (ANC)

Belangrikste nedersettings

Demografie
Meerderheidstale in Mpumalanga:

   Afrikaans

   Engels

   Suid-Ndebele

   Xhosa

   Zoeloe

   Noord-Sotho

   Tswana

   Swazi

   Tsonga

   Geen meerderheidstaal

  • Bevolking (2011-sensus): 4 039 939.
  • Tale: Swazi (27,7%), gevolg deur Zoeloe (24,1%), Tsonga (10,4%), Suid-Ndebele (10,1%), Noord-Sotho (9,3%) en Afrikaans (7,2%).

Geografie
  • Oppervlakte: Sowat 78 370 km².

Ligging en topografie

Aan Mpumalanga se oostekant lê Mosambiek en eSwatini, terwyl die provinsie Gauteng aan die westekant lê. Na die suide is die provinsies Vrystaat en KwaZulu-Natal. Die westelike deel van Mpumalanga lê op die Hoëveld, 'n plato wat oor 'n groot deel van die Suid-Afrikaanse binneland strek. Die Drakensbergreeks verrys in die noordooste van die provinsie. In die ooste daal die land plotseling na die sogenaamde Laeveld met sy subtropiese plantegroei.

Ekonomie
Ingangshek na Skukuza, die hoofruskamp van die Nasionale Krugerwildtuin

Hout, steenkool, vervaardiging, landbou en toerisme is alles deel van Mpumalanga se geskakeerde ekonomie. Die provinsie sorg vir sowat 85% van Suid-Afrika se steenkool, terwyl Witbank die grootste steenkoolprodusent in Afrika is. Die grootste kragsentrales word hier aangetref. Papier en vlekvrye staal word ook vervaardig. Daar is 'n groot papiermeule by Ngodwana, terwyl Middelburg staal en vanadium produseer. Onder die vernaamste landbouprodukte is mielies, suikerriet en sitrusvrugte, en skaap- en suiwelboerdery word ook beoefen. Benewens steenkool word minerale soos mangaan, goud en yster ontgin. Die provinsie is 'n baie gewilde toeristebestemming: die Krugerwildtuin en omliggende reservate lok 'n menigte besoekers, ook vanuit die buiteland.

Bronne

Verwysings
  1. Stats in Brief, 2010 (PDF). Pretoria: Statistics South Africa. 2010. p. 3. ISBN 978-0-621-39563-1.
  2. statssa.gov.za Geargiveer 25 Desember 2018 op Wayback Machine – 2011-sensus
  3. "Statistical release P0301: Community Survey, 2007 (Revised version)" (PDF). Statistics South Africa. p. 25. Besoek op 12 Februarie 2012.

Eksterne skakels
Provinsies van Suid-AfrikaVlag van Suid-Afrika
Gauteng | KwaZulu-Natal | Limpopo | Mpumalanga | Noord-Kaap | Noordwes | Oos-Kaap | Vrystaat | Wes-Kaap

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.