Mpophomeni

In 1968 het die Suid-Afrikaanse regering in 'n oop veld 'n township genaamd Mpophomeni gebou om die swart mense wat in die omgewing van Howick woon, 'n skilderagtige dorpie in die Natalse Middellande, te hervestig. Mpophomeni (wat die plek van die waterval in isiZulu beteken) ontleen sy naam aan die bekende Howick-waterval.

In die laat 1980's en vroeë 1990's was daar 'n stryd tussen die gemeenskap van Mpophomeni en die mense wat in die landelike gebiede van Kwa Shifu, Haza en Mashingeni woon. Die gemeenskap van Mpophomeni was ANC (African National Congress)-ondersteuners en die landelike gebiede was sterk agter die opponerende IFP (Inkatha Freedom Party). Die dood van Nokulunga Gumede, 'n vyfjarige meisie wat deur 'n militêre voertuig (Casper) raak gery is tydens die geweld wat destyds in die township plaasgevind het, was 'n katalisator vir verandering.

Versoening het eers in 1993 en 1994 werklik tussen die township en die landelike bewoners begin. 'n Gedenkteken is ter herinnering hieraan gebou en vernoem na Nokulunga Gumede, sowel as die herdenking van die 120 mense wat tydens die konflik gesterf het.

Daar is drie hoërskole in die dorp, naamlik Mpophomeni High, Asibemunye en Umthombo sowel as vyf laerskole, naamlik Sifisesihle, Zamuthule, Qhamukile, Isibongo en Nhlanhleni.

Aktiwiteite sluit in die omvewing sluit in: jaarlikse hondeskou; Zulu Mpophomeni Toerisme-ervaring; Enviro-klubs; VIGS Bediening; ThinkQuest Kompetisie; Mpophomeni Rekenaarsentrum en SchoolNet; en die Sentrum vir Strafreg.[2][3][4][5][6][7][8]

• Lys van dorpe in Suid-Afrika