Mosiuoa Lekota

Mosiuoa Gerard Patrick Lekota is 'n Suid-Afrikaanse politikus en voormalige lid van die ANC. Hy was ook bekend as Terror Lekota as gevolg van die manier hoe hy sokker gespeel het. Hy was in die tronk op Robbeneiland weens sy politieke aktiwiteite tydens die apartheidsera. Hy was premier van die Vrystaat na die 1994 verkiesing tot in 1996, en was Minister van Verdediging van 1999 tot 25 September 2008, toe hy as minister bedank het nadat president Thabo Mbeki deur die ANC se Uitvoerende Bestuurskomitee gedwing is om te bedank.

Mosiuoa Gerard Patrick Lekota
Mosiuoa Lekota
Mosiuoa Lekota in Februarie 2000
President van die Congress of the People
Ampsbekleër
Termynaanvang
16 Desember 2008
Voorafgegaan deur Amp geskep
Minister van Verdediging
Ampstermyn
26 Junie 1999 – 25 September 2008
Voorafgegaan deur Joe Modise
Opgevolg deur Charles Nqakula
Premier van die Vrystaat
Ampstermyn
7 Mei 1994 – 18 Desember 1996
Opgevolg deur Ivy Matsepe-Casaburri
Persoonlike besonderhede
Gebore 13 Augustus 1948
Bloemfontein
Politieke party Congress of the People
Eggenoot/-note Cynthia Lekota
Religie Rooms-Katolieke Kerk

Aankondiging van 'n nuwe party

Op 8 Oktober 2008 kondig Lekota aan dat die ANC-faksie wat lojaal teenoor Mbeki was hulle "skeipapiere" indien, wat aandui op 'n skeuring van die ANC en die stigting van 'n nuwe politieke beweging. As die aankondiging deurgevoer word, sal dit die eerste groot skeuring in die ANC wees sedert die PAC in 1959 van die ANC afgestig het.

Die aankondiging was deur die ANC-leiers verwerp en as onbenullig afgemaak, terwyl die Suid-Afrikaanse Kommunisteparty heftig daarteen gekant was. Ongeag is die aankondiging deur lede van opposisie partye, insluitend Helen Zille van die Demokratiese Alliansie en Bantu Holomisa van die United Democratic Movement, verwelkom.

Op 14 Oktober 2008 skort die ANC beide Lekota en Mluleki George se lidmaatskap tot die party op.[1] Die Congress of the People is op 16 Desember 2008 gestig.

Verwysings
  1. "Lekota suspended from ANC" (in Engels). RTHK. 14 Oktober 2008. Geargiveer vanaf die oorspronklike op 18 Augustus 2012.
Voorafgegaan deur
Joe Modise		 Minister van Verdediging
1999 – 2008		 Opgevolg deur
Charles Nqakula
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.