Monica Lewinsky

Monica Lewinsky (gebore op 23 Julie 1973 in San Francisco) is 'n Amerikaner van Joodse afkoms. Sy is 'n voormalige amptenaar van die Withuis. Sy het opslae gemaak met haar erkenning dat sy 'n onbehoorlike verhouding met die destydse Amerikaanse president, Bill Clinton gehad het[1] terwyl sy in 1995 en 1996 by die Withuis gewerk het. Die verhouding en nasleep daarvan staan as die Lewinsky-skandaal bekend.

Monica Lewinsky
Lewinsky in Mei 1997
Gebore
Monica Samille Lewinsky

23 Julie 1973 (1973-07-23)
San Francisco
NasionaliteitVlag van Verenigde State van Amerika Amerikaner
BeroepRegeringsamptenaar,
entrepreneur,
TV-persoonlikheid,
aktivis
Bekend virLewinsky-skandaal

President Clinton het aanvanklik die bewerings onder eed ontken. Toe meer besonderhede oor die verhouding begin uitlek, het lede van die Republikeinse Party 'n afsettingsprosedure (impeachment) teen hom begin omdat hy onder eed gelieg het. Die afsetting is egter nie deur die Senaat aanvaar nie en Clinton kon sy termyn voltooi.

As gevolg van die skandaal het Lewinsky wêreldwyd beroemdheid verwerf. Sy het daarna by 'n verskeidenheid ondernemings betrokke geraak, onder andere die ontwerp van 'n reeks handsakke onder haar naam, advertensiewerk vir 'n dieetplan en werk as 'n TV-persoonlikheid. Daarna is sy na Londen om vir 'n meestersgraad in sielkunde te studeer.

Teenwoordig is sy ook 'n anti-bullebakaktivis.

Verwysings
  1. Baker, Peter; John F. Harris (18 Augustus 1998). "Clinton Admits to Lewinsky Relationship, Challenges Starr to End Personal 'Prying'". The Washington Post. p. A1.

Eksterne skakels


  • Monica Lewinsky en President Bill Clinton, 1997
    Monica Lewinsky en President Bill Clinton, 1997
  • Monica Lewinsky in 2014
    Monica Lewinsky in 2014


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.