Molly Blackburn

Molly Blackburn
Molly Blackburn
Gebore	11 November 1930; Port Elizabeth, Suid-Afrika
Sterf	28 Desember 1985 (op 55)
Nasionaliteit	Suid-Afrikaan
Beroep	anti-apartheidsaktivis, politieke aktivis, politikus, mense-regte vegter
Bekend vir	Black Sash
Politieke party	Progressiewe Federale Party

Molly Bellhouse Blackburn (12 November 1930 – 28 Desember 1985) was 'n Suid-Afrikaanse anti-apartheidsaktivis, politieke aktivis, burgerregte-kampvegter en politikus, wyd gerespekteer deur beide swart en wit.

Biografie

Molly Bellhouse is in Port Elizabeth, Suid-Afrika, gebore as die dogter van Elgar Bellhouse (Buller) Pagden, 'n voormalige voorsitter van die Progressive Party (PP) in Port Elizabeth, wat liberale en progressiewe ideale by sy dogter ingeboesem het.[1]

Na die voltooiing van haar skoolloopbaan in 1947 met 'n eerste klas matrikulasie by die Collegiate School for Girls, het Blackburn 'n BA-graad (met sielkunde en geografie) voltooi aan Rhodes-universiteit.[2] Hierna het Blackburn in Londen onderwys gegee voordat sy verhuis het na België. Sewe jaar later keer sy egter terug na Port Elizabeth en sluit aan by die Black Sash, 'n aktivistegroep wat in 1955 deur ses vroue (Jean Sinclair, Elizabeth McLaren, Ruth Foley, Tertia Pybus, Jean Bosazza en Helen Newton-Thompson) gestig is. As gevolg van haar persepsie dat die Black Sash oneffektief is, verlaat sy die organisasie.

In 1981 begin sy haar politieke loopbaan deur die Provinsiale Raad van die Progressiewe Federale Party (PFP) te teenwoordig nadat sy die Walmer, Port Elizabeth, setel gewen het. Diana (Di) Bishop, wat 'n lewenslange vriend en mede-aktivis sou word, het ook daardie jaar 'n raadsetel verower. Bishop het in 1978 by die Black Sash aangesluit. Nadat die Black Sash in 1982 'n kantoor in Port Elizabeth gestig het, het Blackburn weer aangesluit.[3]

In 1983, nadat Matthew Goniwe Blackburn genader het om offisieël ondersoek in te stel na die huurstruktuur in die Lingelihle area by Cradock, het sy en Bishop ondersoek ingestel na, onder andere, die herstrukturering van huurgeld en omstrede polisie geweld.[3] Hulle is deur die regering as 'moeilikheidmakers' gesien, en ookverskeie doodsdreigemente ontvang en is 'n paar keer in hegtenis geneem.[4]

Op 28 Desember 1985 is Blackburn en Brian Bishop (Di Bishop se man) dood in 'n motorongeluk tussen Oudtshoorn en Port Elizabeth . Di Bishop en Blackburn se suster, 'n passasier, is beseer. Sy was 55 jaar oud en Brian Bishop 51 jaar oud.

Haar begrafnis, wat op 1 Januarie 1986 in die St John's-kerk in Port Elizabeth gehou is, is deur 'n skare van 20 000, meestal swart Suid-Afrikaners, bygewoon. Blackburn is oorleef deur haar man en hul sewe kinders.

Nalatenskap

Die Molly Blackburn High School is ter ere van haar benoem in Kwanobuhle, sowel as die Molly Blackburn Memorial Hall aan die Universiteit van Kaapstad.

Verwysings

Verwey, E.J. (ed)(1995). New Dictionary of South African Biography, v.1, Pretoria: HSRC.
"Mother Courage" (PDF). Frontline (11). Februarie 1987.
"Molly Blackburn". South African History Online. Besoek op 24 November 2020. {{cite web}}: Cite has empty unknown parameter: |dead-url= (hulp)
Timeline from the 1980s from SA History Online Geargiveer 6 Junie 2011 op Wayback Machine, accessed 3 December 2007.

Eksterne skakels

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[Verwey-1] Verwey, E.J. (ed)(1995). New Dictionary of South African Biography, v.1, Pretoria: HSRC.

[2] "Mother Courage" (PDF). Frontline (11). Februarie 1987.

[:0-3] "Molly Blackburn". South African History Online. Besoek op 24 November 2020. {{cite web}}: Cite has empty unknown parameter: |dead-url= (hulp)

[sahistory-4] Timeline from the 1980s from SA History Online Geargiveer 6 Junie 2011 op Wayback Machine, accessed 3 December 2007.