Molêre volume

Die molêre volume is 'n begrip uit die fisiese chemie. Dit is 'n intensiewe eienskap van 'n stof wat aandui hoeveel ruimte 'n mol daarvan inneem.[1] Molêre volumes word gewoonlik aangedui met die simbool ${\displaystyle V_{m}}$ 'n Ander notasie is V Die eenheid in die SI-stelsel is kubieke meter per mol, maar dikwels word pleks van kubieke meters ook liters of mililiters gebruik.

Die molêre volumes van die elemente in vloeibare of vaste vorm

Die waarde van die molêre volume kan baie wissel. Vir gasse wat ideale gedrag vertoon kan die molêre volume maklik uit die gaswet bereken word:

${\displaystyle PV=nRT}$

${\displaystyle V_{m}={\frac {V}{n}}={\frac {RT}{P}}}$

Vir 'n temperatuur T van 300K (amper kamertemperatuur) en 'n druk P van 1 Atm (op seevlak) en die gaskonstante R = 0.0821 (L • atm/ mol • K) vind 'n mens 'n waarde van 24,63 [L/mol]

Vir gekondenseerde fases soos vloeistowwe of vastestowwe is die molêre volume dikwels minder maar dit hang van die stof se digtheid en van sy molêre massa af.

Byvoorbeeld vir water is die molêre massa M_m ongeveer 18 [g/mol] en die digtheid ρ=1 [g/mL]

${\displaystyle V_{m}={\frac {M_{m}}{\rho }}=18\ {\frac {[g/mol]}{[g/mL]}}=18\ [mL/mol]=0,018\ [L/mol]}$

Vir polimere is dit nogtans anders, omdat die molêre massa maklik vele duisende of miljoene kan wees. Die molêre volume van 'n polimeer is ook taamlik afhanklik van die temperatuur. Dit verander gewoonlik ook as die materiaal sy glaspunt bereik.[2]

In die termodinamiese beskrywing van mengsels kan die begrip uitgebrei word tot die begrip parsiële molêre volume wat dikwels as V_A,B,... weergegee word, waarby A, B, ens. die komponente in die mengsel aandui.