Moezdalifa

Moezdalifa (Arabies: مزدلفة) is ’n oop, gelyke stuk grond naby Mekka in Saoedi-Arabië wat met die hadj verbind word. Dit lê net suidoos van Mina op pa na Berg Arafat.

Moezdalifa.

Hadj

Die dag by Moezdalifa word voorafgegaan deur ’n dag op Berg Arafat, waar gebid en Allah se vergifnis gevra word. Ná sonsondergang op die 9de dag van die laaste Islamitiese maand, Dhu'l Hidjdja, reis pelgrims na Moezdalifa. Hulle bid dan tegelykertyd die aand- en naggebed.

Hier maak pelgrims ook klippe bymekaar (49, want sewe word per keer na die drie pilare gegooi) vir die steniging van die duiwel in Mina in die volgende drie of vier dae. Hulle bring dan die nag daar deur, dikwels in die ope lug, voordat hulle die volgende oggend na Mina vertrek.

Die opelugmoskee by Moezdalifa is bekend as Al-Masjar al-Haram ("die Heilige Bos").[1][2]

Verwysings
  1. David E. Long, The Hajj Today
  2. Danarto, A Javanese pilgrim in Mecca 1989, bl. 27

Bronne

Eksterne skakels

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.