Mingerhout

Die Mingerhout (Breonadia salicina) is 'n immergroen boom in die katjiepiering-familie, Rubiaceae. Dit is die enigste spesie in die genus Breonadia is dus 'n monotipiese takson. Die boom kom in tropiese en suidelike dele van Afrika in die volgende lande voor: Angola, Benin, Burkina Faso, Eswatini, Ethiopië, Ghana, Ivoorkus, Jemen, Kameroen, Kenia, Madagaskar, Malawi, Mali, Mosambiek, Nigerië, Saoedi-Arabië, Sentraal-Afrikaanse Republiek, Soedan, Tanzanië, Togo, Tsjad, Zambië en Zimbabwe.

Mingerhout
groeiwyse in Zimbabwe
Wetenskaplike klassifikasie edit
Domein: Eukaryota
Koninkryk: Plantae
Klade: Tracheofiete
Klade: Angiospermae
Klade: Eudicots
Klade: Asterids
Orde: Gentianales
Familie: Rubiaceae
Genus: Breonadia
Spesie:
B. salicina
Binomiale naam
Breonadia salicina
(Vahl) Hepper & J.R.I.Wood, (1982)
Sinonieme
  • Adina galpinii Oliv.
  • Adina lasiantha K.Schum.
  • Adina lasiantha var. parviflora Hochr.
  • Adina microcephala (Delile) Hiern
  • Adina microcephala var. galpinii (Oliv.) Hiern
  • Adina spathellifera (Baker) Oliv.
  • Breonadia microcephala (Delile) Ridsdale
  • Breonadia salicina var. galpinii (Oliv.) Hepper & J.R.I.Wood
  • Cephalanthus coriaceus K.Schum.
  • Cephalanthus spathellifer Baker
  • Nauclea microcephala Delile
  • Nauclea verticillata Baill.
  • Nerium salicinum Vahl

In Suid-Afrika kom dit in KwaZulu-Natal, Limpopo en Mpumalanga voor. Daar is ook 'n afgesonderde populasie langs die Limpoporivier wes van Musina. Dit is 'n beskermde boom in Suid-Afrika.[1] Ander inheemse name is: Matumi in Engels, Mohlomê in Sotho, Mutu-lume in Venda en Umfomfo in Zoeloe.

Die boom kom soms in stande voor en groei net langs standhoudende riviere. Die blare is in kranse van drie tot vier gerangskik, is ellipties, glansend donkergroen en min of meer regop. Die boom lyk baie soos die Kinaboom, maar hulle kom nie in dieselfde habitat voor nie.

Die boom se FSA-nommer is 684.[2]

Galery
  • loof
    loof
  • vrugstadiumbloeiwyses
    vrugstadiumbloeiwyses
  • op die oewer van die Bumespruit
    op die oewer van die Bumespruit
  • 'n luiperdwyfie verlaat haar rusplek in 'n mingerhout
    'n luiperdwyfie verlaat haar rusplek in 'n mingerhout

Sien ook

Verwysings
  1. "Beskermde bome" (PDF). Suid-Afrikaanse Department van Waterwese en Bosbou. 3 Mei 2013. Geargiveer vanaf die oorspronklike (PDF) op 5 Julie 2010. Besoek op 1 Februarie 2014.
  2. Van Wyk, Piet (2008). Field guide to the TREES of the Kruger National Park. Kaapstad: Struik. p. 217. ISBN 978-1-77007-759-1.

Bronne

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.