Miguel Díaz-Canel

Miguel Mario Díaz-Canel y Bermúdez (gebore op 20 April 1960) is 'n Kubaanse politikus en ingenieur wat sedert April 2021 die eerste sekretaris van die Kommunistiese Party van Kuba is. As Eerste Sekretaris is hy die magtigste persoon in die Kubaanse regering. Hy het vir Raúl Castro opgevolg en hy is die eerste nie-Castro leier van Kuba sedert die rewolusie.

Miguel Díaz-Canel
Miguel Díaz-Canel
Díaz-Canel in 2023
Eerste Sekretaris van die Kommunistiese Party van Kuba
Ampsbekleër
Termynaanvang
19 April 2021
Voorafgegaan deur Raúl Castro
17de President van Kuba
Ampsbekleër
Termynaanvang
10 Oktober 2019
Vise Salvador Valdés Mesa
Eerste minister Manuel Marrero Cruz
Voorafgegaan deur Raúl Castro
President van die Staatsraad en die Raad van Ministers
Ampstermyn
19 April 2018 – 10 Oktober 2019
Vise Salvador Valdés Mesa
Voorafgegaan deur Raúl Castro
Opgevolg deur Homself (as president van Kuba)
Manuel Marrero Cruz (as premier van Kuba)
Vise-president van die Staatsraad en die Raad van Ministers
Ampstermyn
24 Februarie 2013 – 19 April 2018
Voorafgegaan deur José Ramón Machado Ventura
Opgevolg deur Salvador Valdés Mesa
Minister van Onderwys
Ampstermyn
8 May 2009 – 21 Maart 2012
Voorafgegaan deur Juan Vela Valdés
Opgevolg deur Rodoldo Alarcón Ortíz
Persoonlike besonderhede
Gebore 20 April 1960 (1960-04-20)
Placetas, Kuba
Politieke party Kommunistiese Party van Kuba
Eggenoot/-note Lis Cuesta Peraza
Kind(ers) 2
Alma mater Universiteit van Las Villas
Handtekening

Vroeë lewe en opvoeding

Díaz-Canel is op 20 April 1960 in Placetas, Villa Clara, gebore aan Aída Bermúdez, 'n onderwyseres, en Miguel Díaz-Canel, 'n meganiese aanlegwerker in Santa Clara, Kuba.[1][2] Hy is van direkte Spaanse (Asturiese) afkoms; sy oupagrootjie Ramón Díaz-Canel het in die laat 19de eeu vir Castropol, Asturië (Spanje) vir Havana verlaat.[3][4]

Hy het in 1982 aan die Sentrale Universiteit van Las Villas gegradueer as 'n elektroniese ingenieur en het daarna by die Kubaanse Revolusionêre Gewapende Magte aangesluit.[5] Vanaf April 1985 was hy 'n dosent in ingenieurswese by sy alma mater.[6] In 1987 het hy 'n internasionale sending in Nicaragua voltooi as eerste sekretaris van die Jong Kommunistiese Liga van Villa Clara.[7]

Politieke loopbaan

In 1993 het Díaz-Canel vir die Kommunistiese Party van Kuba begin werk en 'n jaar later is hy as Eerste Sekretaris van die Provinsiale Partykomitee van die Villa Clara-provinsie ('n topposisie hoër as 'n goewerneur) verkies.[5][8] Hy het 'n reputasie vir bekwaamheid tydens sy ampstermyn verwerf,[8] waartydens daar berig word dat hy LGBT-regte ondersteun het in 'n tyd toe baie in die provinsie teen homoseksualiteit.[9] In 2003 is hy tot dieselfde posisie in die Holguín-provinsie verkies.[5][10] Hy het daardie jaar 'n lid van die Politburo van die Kommunistiese Party van Kuba geword.[11]

Díaz-Canel is in Mei 2009 as Minister van Hoër Onderwys aangestel, 'n pos wat hy beklee het tot 22 Maart 2012, toe hy Visepresident van die Raad van Ministers (adjunk-premier) geword het.[5][12] In 2013 het hy ook eerste visepresident van die Staatsraad geword.[5] As eerste visepresident van die staatsraad was Díaz-Canel Raúl Castro se adjunk.

Leierskap van Kuba

In 2018 het die 86-jarige Castro bedank as president van die Staatsraad en die Raad van Ministers. Hy het aahou dien as die Eerste Sekretaris van die Kommunistiese Party van Kuba en die bevelvoerder-in-hoof van die Kubaanse Revolusionêre Weermag.[13][14] Op 18 April 2018 is Díaz-Canel gekies om vir Castro as president op te volg.[8] Hy is deur 'n stemming van die Nasionale Vergadering op 19 April[8] bevestig en op dieselfde dag ingesweer.[15]

In Oktober 2019 het Diaz-Canel die president van die Republiek van Kuba geword, 'n amp wat daardie Februarie herskep is nadat 'n reeks grondwetlike hervormings in 'n grondwetlike referendum goedgekeur is.[16] Hierdie amp het die een vervang wat hy sedert April van die vorige jaar beklee het, wat die President van die Staatsraad was, wat voorheen die staatshoof van Kuba was.

Op 19 April 2021 het hy amptelik die Eerste Sekretaris van die Kommunistiese Party geword na die bedanking van Raúl Castro. Dit het hom die leier van Kuba gemaak, in werklikheid sowel as in naam. Daar is verneem dat Raúl die werklike mag behou het nadat hy die presidentskap aan Diaz-Canel in 2018 afgestaan het. Diaz-Canel is die eerste nie-Castro om die party te lei sedert die Kubaanse rewolusie van 1959.[17]

Verwysings
  1. "Díaz-Canel no es un relevo histórico". Martinoticias. 25 Februarie 2013. Besoek op 10 Januarie 2016.
  2. Ahmed, Azam; Robles, Frances (19 April 2018). "Who Is Miguel Díaz-Canel, Cuba's New President?". The New York Times. Besoek op 20 April 2018.
  3. Cuba ya tiene un nuevo presidente, de ascendencia asturiana – ileon
  4. De ruta por las raíces asturianas de Miguel Díaz-Canel – El Comercio
  5. Damien Cave, Raúl Castro Says His Current Term as President of Cuba Will Be His Last, The New York Times, 24 Februarie 2013
  6. "Cuban president highlights Fidel Castro's thoughts about education". www.radiohc.cu (in Engels). Besoek op 19 April 2021.
  7. Al Jazeera Staff. "Miguel Diaz-Canel: Cuba's post-Castro president". www.aljazeera.com (in Engels). Besoek op 19 April 2021.
  8. "Miguel Díaz-Canel: Cuba selects first non-Castro president since Fidel". The Guardian (in Engels). Associated Press. 19 April 2018. Besoek op 19 April 2018.
  9. Augustin, Ed (18 April 2018). "After six decades of Castro rule, Cubans greet end of era with a shrug". The Guardian (in Engels). Besoek op 19 April 2018.
  10. "En sustitución de Juan Vela es designado Miguel Díaz Canel ministro de Educación Superior". cubaheadlines.com.
  11. Ryan Villarreal (26 Februarie 2013). "Sustaining The System: Cuba's New VP Diaz-Canel Marks Ascent Of Younger Generation". International Business Times.
  12. "Nota oficial". Diario Granma. 22 Maart 2012. Besoek op 31 Maart 2019.
  13. "Raul Castro to lead Cuba's Communist Party until 2021". FRANCE 24. 19 April 2018. 'I confirm to this assembly that Raul Castro, as First Secretary of the Communist Party, will lead the decisions about the future of the country,' Diaz-Canel said.
  14. Andrés Oppenheimer (20 April 2018). "Cuba's new 'babysaur' to replace a dinosaur is no cause of celebration—it's shameful!". Miami Herald. Besoek op 23 April 2018.
  15. "Cuba's Raúl Castro hands over power to Miguel Díaz-Canel". BBC News. 19 April 2018. Besoek op 19 April 2018.
  16. Cuba’s Reformed Constitution, a Democratic and Participatory Process Havana Times, 23 Julie 2018
  17. Cuba has a new leader and it’s not a Castro. Besoek op 4 Januarie 2024.

Sien ook
  • Lys van presidente van Kuba
  • Lys van eerste ministers van Kuba

Eksterne skakels
Hierdie artikel is in sy geheel of gedeeltelik vanuit die Engelse Wikipedia vertaal.
   
Klik vir info oor hierdie sjabloon.
Politieke poste
Voorafgegaan deur
Raúl Castro		 President van Kuba
2018–hede		 Sittend
Eersteminister van Kuba
2018–hede
Voorafgegaan deur
José Ramón Machado Ventura		 Eerste visepresident van Kuba
2013–2018		 Opgevolg deur
Salvador Valdés Mesa
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.