Middelryk van Egipte

Die Middelryk van Egipte (ook bekend as die Tydperk van Hereniging) is die periode van Antieke Egipte tussen 2000 en 1700 v.C. Dit het gestrek van die begin van die 11de Dinastie tot aan die einde van die 12de Dinastie. In dié tyd het Osiris die belangrikste god in Egipte geword.[1]

Tydperke en dinastieë van Antieke Egipte
Alle jare is v.C.
Vroeë Tydperk Voordinastiese tydperk Eerste Dinastie I 3150–2890 Tweede Dinastie II 2890–2686
Ou Ryk Derde Dinastie III 2686–2613 Vierde Dinastie IV 2613–2498 Vyfde Dinastie V 2498–2345 Sesde Dinastie VI 2345–2181
Eerste Oorgang Sewende Dinastie VII twyfelagtig Agtste Dinastie VIII 2181–2160 Negende Dinastie IX 2160–2130 Tiende Dinastie X 2130–2040 Vroeë Elfde Dinastie XI 2134–2061
Middelryk Laat Elfde Dinastie XI 2061–1991 Twaalfde Dinastie XII 1991–1803 Dertiende Dinastie XIII 1803–1649
Tweede Oorgang Veertiende Dinastie XIV 1705–1690 Vyftiende Dinastie (Hyksos) XV 1674–1535 Sestiende Dinastie XVI 1660–1600 Abydos Dinastie 1650–1600 Sewentiende Dinastie XVII 1580–1549
Nuwe Ryk Agtiende Dinastie XVIII 1549–1292 Negentiende Dinastie XIX 1292–1189 Twintigste Dinastie XX 1189–1077
Derde Oorgang Een-en-twintigste Dinastie XXI 1069–945 Twee-en-twintigste Dinastie XXII 945–720 Drie-en-twintigste Dinastie XXIII 837–728 Vier-en-twintigste Dinastie XXIV 732–720 Vyf-en-twintigste Dinastie (Nubiese) XXV 732–653
Laat Tydperk Ses-en-twintigste Dinastie XXVI 672–525 Sewe-en-twintigste Dinastie (1ste Persiese Tydperk) XXVII 525–404 Agt-en-twintigste Dinastie XXVIII 404–398 Nege-en-twintigste Dinastie XXIX 398–380 Dertigste Dinastie XXX 380–343 Een-en-dertigste Dinastie (2de Persiese Tydperk) XXXI 343–332
Hellenistiese Egipte Twee-en-dertigste Dinastie XXXII 332–305 Drie-en-dertigste Dinastie XXXIII 305–30
Romeinse Egipte Vier-en-dertigste Dinastie (Romeinse faraos) XXXIV 30–313 n.C.

’n Standbeeld van die eerste farao van die Middelryk, Mentoehotep II.

Daar was twee fases: die 11de Dinastie wat vanaf Thebe regeer het, en die 12de Dinastie met sy mag in Lisjt.

Ná die val van die Ou Ryk het Egipte ’n tydperk van onenigheid en kulturele agteruitgang binnegegaan bekend as die Eerste Oorgangstydperk.[2] Aan die einde van dié tyd het die 10de en die 11de Dinastie om die mag baklei. Die stryd is deur Mentoehotep II van die 11de Dinastie beëindig toe hy sy mag oor die hele Egipte verenig.[2] Hy word dus beskou as die stigter van die Middelryk.[3]

Die 12de Dinastie het begin met die bewind van Amenemhet I. Daar is ’n teorie dat hy Mentoehotep se troon afgeneem het.[4] Hoewel daar geen rekords oor hierdie magstryd is nie, is daar aanduidings van ’n burgeroorlog aan die einde van die 11de Dinastie.[5] Wat wel seker is, hoe Amenemhet I ook al aan die bewind gekom het, is dat hy nie ’n koninklike van geboorte was nie.