Messier 88

Messier 88 of M88 (ook bekend as NGC 4501) is ’n spiraalsterrestelsel sowat 47 miljoen ligjare van die Aarde af in die sterrebeeld Berenike se Hare. Dit is in 1781 deur Charles Messier ontdek en in sy katalogus van komeetagtige voorwerpe opgeneem.

Messier 88
Messier 81 soos afgeneem deur die Hubble-ruimteteleskoop.
Messier 81 soos afgeneem deur die Hubble-ruimteteleskoop.
Soort stelselSpiraalsterrestelsel
SterrebeeldBerenike se Hare
TipeSA(rs)b, HII Sy2
Waarnemingsdata (Epog J2000)
Regte klimming12h 31m 59,2s
Deklinasie+14º 25' 14"
Skynmagnitude10,4
Besonderhede
Afstand (ligjaar)47 miljoen
Skynbare grootte 6,9 × 3,7 boogminute
Ander nameM88, NGC 4501, UGC 7675, PGC 41517, VCC 1401
Portaal  Portaalicoon   Sterrekunde

Eienskappe

M88 is een van die 15 Messier-voorwerpe wat tot die nabygeleë Virgo-sterrestelselswerm behoort. Die sterrestelsel kan op ’n hoogs elliptiese wentelbaan wees wat dit na die middel van die swerm laat beweeg waar die reuse- elliptiese stelsel Messier 87 hom bevind. Dit is tans sowat 0,3–0,48 miljoen parsek van die middel af en sal in sowat 200-300 miljoen jaar die naaste aan die kern kom. Sy beweging deur die Virgo-swerm veroorsaak ’n druk wat die buitenste gebied van neutrale waterstof stroop.[1]

In 1999 is die supernova 1999cl in die M88 ontdek.[2]

Verwysings
  1. Vollmer, B.; et al. (2008). "Pre-peak ram pressure stripping in the Virgo cluster spiral galaxy NGC 4501". Astronomy and Astrophysics. 483 (1): 89–106. arXiv:0801.4874. Bibcode:2008A&A...483...89V. doi:10.1051/0004-6361:20078139.
  2. James, N. D. (1999). "Supernova 1999cl in NGC 4501 (M88)". Journal of the British Astronomical Association. 109 (4): 178. Bibcode:1999JBAA..109..178J.

Eksterne skakels

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.