Messier 60

Messier 60 of M60 (ook bekend as NGC 4649) is ’n elliptiese sterrestelsel 55 miljoen ligjare van die Aarde af in die sterrebeeld Maagd.

Messier 60
Messier 60 soos afgeneem deur die Hubble-ruimteteleskoop. (Bron: Nasa/STScI/WikiSky)
Messier 60 soos afgeneem deur die Hubble-ruimteteleskoop. (Bron: Nasa/STScI/WikiSky)
Soort stelselElliptiese sterrestelsel
SterrebeeldMaagd
TipeE2
Waarnemingsdata (Epog J2000)
Regte klimming12h 43m 39,6s
Deklinasie+11º 33' 09"
Skynmagnitude9,8
Besonderhede
Afstand (ligjaar)55 miljoen
Skynbare grootte 7,4 × 6 boogminute
Rooiverskuiwing 0,003726
Ander nameNGC 4649, UGC 7898, PGC 42831 Arp 116, GC 3182
Portaal  Portaalicoon   Sterrekunde

Geskiedenis

Messier 60 en die nabygeleë sterrestelsel Messier 59 is albei in April 1779 deur Johann Gottfried Koehler ontdek terwyl hy ’n komeet in dieselfde deel van die lugruim bestudeer het.[1] Charles Messier het albei stelsels drie dae ná hul ontdekking in sy katalogus van komeetagtige voorwerpe opgeneem.[1]

NGC 4647 is sowat 2′,5 van Messier 60 af en hulle vorm twee interaktiewe sterrestelsels bekend as Arp 116 met oorvleuelende optiese skywe. Die wisselwerking tussen die twee het onlangs eers begin, met die eerste tekens wat in 2012 waargeneem is.[2]

M60 is die derde helderste groot elliptiese sterrestelsel van die Virgo-sterrestelselswerm en is die oorheersende lid van ’n subgroep swerms van vier sterrestelsels wat die naaste bekende geïsoleerde kompakte groep stelsels is.

Verskynsels

In die middel van M60 is ’n swartkolk van 4,5 miljard sonmassas, een van die grootstes wat nog gevind is.[3] ’n Supernova (SN 2004W) is op 28 Januarie 2004 in Messier 60 gesien.[4]

Galery
  • Arp 116 bestaan uit Messier 60 en die veel kleiner NGC 4647.
    Arp 116 bestaan uit Messier 60 en die veel kleiner NGC 4647.
  • M60 en NGC 4647 van verder af gesien.
    M60 en NGC 4647 van verder af gesien.

Verwysings
  1. K. G. Jones (1991). Messier's Nebulae and Star Clusters (2nd uitg.). Cambridge University Press. ISBN 0-521-37079-5.
  2. Science Daily, "Odd Galaxy Couple On Space Voyage", 6 September 2012, URL besoek op 2012-11-11)
  3. Juntai Shen, Karl Gebhardt (2010). The Supermassive Black Hole and Dark Matter Halo of NGC 4649 (M60). arXiv:0910.4168. {{cite book}}: Onbekende parameter |class= geïgnoreer (hulp)
  4. Supernova 2004W in M60

Eksterne skakels

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.