Messier 47
Messier 47 of M47 (ook bekend as NGC 2422) is ’n oop sterreswerm in die sterrebeeld Agterdek. Dit is voor 1654 deur Giovanni Batista Hodierna ontdek en in 1771 herontdek deur Charles Messier, wat dit in sy katalogus van komeetagtige voorwerpe opgeneem het.
| Messier 47 | ||||
 | ||||
| Soort stelsel | Oop sterreswerm | |||
| Sterrebeeld | Agterdek | |||
| Waarnemingsdata (Epog J2000) | ||||
| Regte klimming | 07h 36,6m | |||
| Deklinasie | -14º 30' | |||
| Skynmagnitude | 4,2 | |||
| Besonderhede | ||||
| Afstand (ligjaar) | 1 600 (490 parsek) | |||
| Skynbare grootte | 30 boogminute | |||
| Ander name | M47, NGC 2422 | |||
| ||||
Daar is nie werklik ’n sterreswerm in die posisie wat deur Messier aangedui is nie (wat hy uitgedruk het in terme van sy regte klimming en deklinasie ten opsigte van die ster K Puppis). As die tekens van Messier se koördinaatverskille verander word, stem die posisie egter ooreen met dié van NGC 2422.[1]
M47 is sowat 1 600 ligjare van die Aarde af en is sowat 78 miljoen jaar oud. Dit bevat omtrent 50 sterre, waarvan die helderste een ’n sigbare helderheid van 5,7 mag het.
Verwysings
- Houston, Walter Scott (2005). Deep-Sky Wonders. Sky Publishing Corporation. ISBN 1-931559-23-6.
Eksterne skakels
- SEDS: Messier 47
- Amateurfoto – Waid-sterrewag
- Messier 47 op WikiSky: DSS2, SDSS, GALEX, IRAS, Hydrogen α, X-Ray, Astrophoto, Sky Map, Artikels en foto's
Wikimedia Commons het meer media in die kategorie Messier 47.
Hierdie artikel is vertaal uit die Engelse Wikipedia
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.