Mehetia

Mehetia is ’n vulkaaneiland in die Bowindse Eilande in die ooste van die Geselskapseilande van Frans-Polinesië. Die eiland is ’n baie jong, aktiewe stratovulkaan 110 km oos van die Taiarapu-skiereiland van Tahiti.

Ligging in die Geselskapseilande.
Mehetia
Inheemse naam: Meheti'a

’n Nasa-foto van Mehetia.
Geografie
LiggingStille Oseaan
Koördinate17°52′S 148°4′W
ArgipelGeselskapseilande

Hoogste punt435 m
Administrasie
Sien teks.
Oorsese gebiedFrans-Polinesië

Demografie
BevolkingOnbewoon

Dit is 2,3 km2 groot en is op sy hoogste punt 435 m. Dit was in 1981 die middelpunt van aardbewings.

Geskiedenis

Die eerste Europeër wat die eiland gesien het, was die Spanjaard Pedro Fernández de Quirós op 9 Februarie 1606; hy het dit aangeteken as "Decena" (tien in Spaans).[1] Later het Samuel Wallis dit in 1767 in die HMS Dolphin gesien. Die Spaanse seevaarder Domingo de Boenechea het dit op 6 November 1772 gesien en dit "San Cristóbal" genoem.

Administrasie

Mehetia is administratief deel van die Franse munisipaliteit Taiarapu-Est. Dit is onbewoon en het nie veel plantegroei nie, maar wel ’n klein koraalrif.

Verwysings
  1. Corney, Bolton Granvill The quest and occupation of Tahiti by emissaries of Spain during the years 1772-1776, Londen, 1913, Vol I, p.XXX
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.