Media24-sentrum
Die Media24-sentrum (tot 25 Julie 2015 die Naspers Sentrum) (Engels: Media24 Centre) is 'n 26 verdieping hoë wolkekrabber in Kaapstad, Suid-Afrika. Die gebou is tussen Heerengracht en D.F. Malan-straat geleë.
Die Naspers Sentrum is in 2015 aan die buitekant opgeknap ter viering van Die Burger se honderdjarige bestaan. Op 25 Julie daardie jaar is dit herdoop tot Media24-sentrum.
Die nuwe vooraansig van die Media24-sentrum ná die opknapping van 2015.
Die Naspers Sentrum in Kaapstad, voor die opknapping van 2015 waarna dit die Media24-sentrum geword het.
Sykant van die gebou voor die opknapping van 2015.
Met 'n hoogte van 93 meter is dit tans (2015) die vierde hoogste gebou in die stad. Die gebou is in 1962 voltooi en was destyds die hoogste gebou in die land, asook die vierde hoogste in Afrika.[1] 'n Elektroniese nuusvoer is in 'n stadium teen die gebou vertoon, wat prominent in die nag sigbaar was.
Bekende publikasies wat in die gebou gehuisves word, is onder meer Huisgenoot, Die Son, Die Burger en Landbouweekblad.
Verwysings
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.