Maxine Waters

Maxine Moore Waters (née Carr, 15 Augustus 1938) is 'n Amerikaanse politikus wat sedert 1991 as die afgevaardigde vir Kalifornië se 43ste parlementêre distrik in die Amerikaanse laerhuis dien. Hierdie distrik, wat van 1991–1993 as die 29ste distrik en van 1993–2013 as die 35ste distrik genommer is, sluit groot dele van suidelike Los Angeles en dele van Gardena, Inglewood en Torrance in.

Maxine Waters
Voorsitter van die Laerhuisfinansiëledienstekomitee
Ampsbekleër
Termynaanvang 3 Januarie 2019
Voorganger	Jeb Hensarling
Mees senior lid van die Laerhuisfinansiëledienstekomitee
Termyn 3 Januarie 2013 – 3 Januarie 2019
Voorganger	Barney Frank
Opvolger	Patrick McHenry
Lid van die Huis van Afgevaardigdes van Kalifornië
Ampsbekleër
Termynaanvang 3 Januarie 1991
Voorganger	Augustus Hawkins
Kiesafdeling	29ste distrik (1991–1993) 35ste distrik (1993–2013) 43te distrik (sedert 2013)
Lid van die Deelstaatsvergadering van Kalifornië van die 48ste distrik
Termyn 6 Desember 1976 – 30 November 1990
Voorganger	Leon D. Ralph
Opvolger	Marguerite Archie-Hudson
Persoonlike gegewens
Gebore	Maxine Moore Carr 15 Augustus 1938 (1938-08-15) St. Louis, Missouri, Verenigde State
Politieke party	Demokratiese Party
Gade	Edward Waters (trou 1956; skei 1972) Sid Williams (trou 1977)
Kinders	2
Opvoeding	Deelstaatsuniversiteit van Kalifornië, Los Angeles (BA)

Waters is 'n lid van die Demokratiese Party en voer tans haar 15de termyn in die laerhuis uit. Sy is die mees senior van die twaalf swart vroue wat tans in die Amerikaanse parlement dien en sy was voorsitter van die Parlementêre Swart Koukus van 1997 tot 1999.[1] Sy is tans voorsitter van die Laerhuisfinansiëledienstekomitee.

Voor sy 'n afgevaardigde in die Amerikaanse laerhuis geword het, het Waters in die Deelstaatsvergadering van Kalifornië gedien, waartoe sy vir die eerste keer in 1976 verkies is. In die deelstaatsvergadering was sy 'n voorstander van disinvestering van Suid-Afrika se apartheidstelsel. In die federale laerhuis was sy 'n uitgesproke teenstander van die oorlog in Irak en 'n kritikus van die Republikeinse presidente George H. W. Bush, George W. Bush, en Donald Trump.[2]