Mary van Teck

Mary van Teck (Victoria Mary Augusta Louise Olga Pauline Claudine Agnes; 26 Mei 1867 – 24 Maart 1953) was die vrou van koning George V, koningin van die Verenigde Koninkryk en keiserin van Indië.

Mary van Teck
Koningin-gemalin van die Verenigde Koninkryk
Keiserin-gemalin van Indië
Die koningin in die 1920's.
Die koningin in die 1920's.
Vorstehuis Teck / Cambridge / Windsor
Tydperk 6 Mei 1910 – 20 Januarie 1936
Kroning 22 Junie 1911
Volle naam Victoria Mary Augusta Louise Olga Pauline Claudine Agnes
Gebore (1867-05-26)26 Mei 1867
Kensington-paleis, Londen
Oorlede 24 Maart 1953 (op 85)
Marlborough House, Londen
Eggenoot George V
Kinders Edward VIII
George VI
Mary
Henry
George
John
Vader Frans, Hertog van Teck
Moeder Prinses Mary Adelaide van Cambridge

Biografie
As baba saam met haar ouers.

Hoewel sy tegnies ’n prinses van Teck in Duitsland was, is sy in Engeland gebore en getoë. Haar ouers was Frans, Hertog van Teck, en prinses Mary Adelaide van Cambridge, ’n kleindogter van koning George III. Sy was informeel bekend as "May", na aanleiding van haar geboortemaand.

Op 24-jarige ouderdom het sy verloof geraak aan prins Albert Victor, die oudste seun van die Prins van Wallis, maar ses weke later is hy onverwags aan longontsteking dood. Sy het die volgende jaar aan sy jonger broer George verloof geraak wat later koning geword het.

Voor dit was sy agtereenvolgens die Hertogin van York, die Hertogin van Cornwall en die Prinses van Wallis.

Ná die dood van George in 1936 het sy die koninginmoeder geword toe haar oudste seun Edward VIII word. Nadat hy geabdikeer het om met die geskeide Amerikaner Wallis Simpson te trou, het sy haar tweede oudste seun, Albert, gesteun toe hy die troon bestyg as George VI.

Sy is ’n jaar ná hom dood, tydens die bewind van haar kleindogter, koningin Elizabeth II, wat toe nog nie gekroon was nie.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.