Marks & Spencer
Marks and Spencer plc (ook bekend as M&S) is 'n Britse multinasionale kleinhandelonderneming wat sy hoofkwartier in die City of Westminster, Londen het. Sy aandele word op die Londense Effektebeurs (LSE) genoteer, terwyl dit ook deel uitmaak van die FTSE 100-indeks.
| Marks and Spencer plc | |
   | |
| Tipe | Public limited company (plc) |
|---|---|
| Gestig | 1884 in Leeds, Engeland |
| Hoofkantoor | City of Westminster, Londen, Engeland, .svg.png.webp){kind=small} Verenigde Koninkryk |
| Sleutelpersone | Sir Michael Marks, Thomas Spencer (stigters) Archie Norman (voorsitter) |
| Gebied bedien | Wêreldwyd |
| Industrie | Kleinhandel |
| Produkte | Kleding, binnenshuise toerusting, luukse kos |
| Inkomste | £10,622 miljard (2017) |
| Bedryfsinkomste | £690,6 miljoen (2017) |
| Netto inkomste | £115,7 miljoen (2017) |
| Werknemers | 84 939 (2017) |
| Webwerf | marksandspencer.com |
Die onderneming, wat oorspronklik in 1884 deur Michael Marks en Thomas Spencer in Leeds gevestig is, fokus op klere, binnenshuise toerusting en luukse kosprodukte. In 2008 het M&S begin om ook kosprodukte van bekende handelsmerke by sy portefeulje in te sluit. Tans is daar sowat 979 M&S-winkels in al vier lande van die Verenigde Koninkryk, insluitende 615 winkels wat hulle tot kos beperk.
In 1998 was Marks & Spencer die eerste Britse kleinhandelonderneming wat met 'n voorbelastingwins van meer as £1 miljard afgesluit het. Vervolgens het M&S se wins egter skielik begin daal - 'n ontwikkeling wat as 'n onverwagte verrassing vir die onderneming, sy aandeelhouers (onder wie honderdduisende klein beleggers), kleinhandelontleders en sakejoernaliste gekom het. In November 2009 het die onderneming bekend gemaak dat die uitvoerende voorsitter van M&S, Stuart Rose, vroeg in 2010 deur Marc Bolland, gewese voorsitter van die supermarkketting Morrisons, vervang sou word.
Verkope van klere het in die volgende jare aanhou daal, terwyl die omset van die kosafdeling gestyg het nadat M&S die naam St. Michael vir sy eie handelsmerk laat vaar het. In Mei 2018 het Marks & Spencer 'n radikale herstrukturering aangekondig waarvolgens moontlik 'n honderdtal winkels tot 2022 gesluit sal word.[1]