Mariënbad

Mariënbad (Duits: Marienbad; Tsjeggies: Mariánské Lázně, [ˈmarɪˌaːnskɛː ˈlaːzɲɛ]) is 'n stad en hersteloord in Wes-Boheme, Tsjeggië, met 'n bevolking van sowat 13 000. Administratief behoort dit tot die distrik Cheb (Okres Cheb) in die Karlovy Vary-streek (Karlovarský kraj). Saam met twee ander hersteloorde en badplase, Karlovy Vary (Karlsbad) en Františkovy Lázně (Franzensbad), vorm Mariënbad die hartland van die sogenaamde Wes-Boheemse Driehoek van Mineraal- en Warmbaddens. In sy bloeitydperk het die genesende krag van Mariënbad se mineraalbaddens bekende persoonlikhede soos konings, adellikes, kunstenaars en wetenskaplikes gelok.

Ek het besoeke gebring aan die hele Indië, Ceylon, alle warmbaddens in Europa, maar nêrens het die buitengewoon mooi natuur my hart só geraak soos hier in Mariënbad.
- Edward VII, koning van Engeland (1841–1910) [1]

Mariënbad
Mariánské Lázně

Kaart Wapen
Vlag
 Land Flag of the Czech Republic Tsjeggië
 Historiese streek Boheme
 Kraj (gewes) Karlovarský kraj
 Okres (distrik) Cheb
 Koördinate 49°57′53″N 12°42′4″O
 Stigting 14de eeu
 Stadstatus 1865
 Oppervlakte:  
 - Totaal 51,81 vk km
 Hoogte bo seevlak 578 m
 Bevolking:  
 - Totaal (2017) 13 042
 - Bevolkingsdigtheid 251,7/vk km
 Tydsone UTC +1 (MET)
 - Somertyd UTC +2 (MEST)
 Klimaat  
 - Tipe -
 - Gemiddelde jaarlikse temperatuur -
 - Gem. temp. Januarie/Julie -
 - Gemiddelde jaarlikse neerslae -
 Burgemeester (starosta) Petr Třešňák
 Amptelike Webwerf www.marianskelazne.cz/

In 2021 is Mariënbad deur Unesco as wêrelderfenisgebied onder die sambreelterm "Historiese spa's van Europa" gelys, saam met Františkovy Lázně en Karlovy Vary (albei Tsjeggië); Spa (België); Baden bei Wien (Oostenryk); Bad Ems, Baden-Baden en Bad Kissingen (Duitsland); Vichy (Frankryk); Montecatini Terme (Italië); en Bath (Verenigde Koninkryk).[2]

Geografie

Mariënbad is op 578 m bo seevlak in die dig beboste Keiserwoud-bergreeks (Duits: Kaiserwald, Tsjeggies: Slavkovský Les) geleë. Danksy sy ligging in 'n vallei van 'n klein rivier, die Úšovický potok, het dit 'n gematigde klimaat. Noord van die stad het die Mariënbaddam ontstaan wat die omgewing van drinkwater voorsien.

Verwysings
  1. (de) Marienbad – das Bad in der Tschechischen Republik. Besoek op 6 Julie 2017
  2. (en) "The Great Spa Towns of Europe". Unesco. Besoek op 25 Julie 2021.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.