Marais Steyn

Marais Steyn (25 Desember 1914, Dordrecht - 12 Julie 1998, Stellenbosch) was 'n politikus van die Verenigde Party en later van die Nasionale Party.[1] Hy het gematrikuleer aan die Hoërskool Paul Kruger op Steynsburg en die ouetehuis op die dorp, wat in 1978 geopen is, is na hom genoem.[2][3]

Marais Steyn
Marais Steyn
Minister van Gemeenskapsontwikkeling en Indiërsake
Ampstermyn
1978 – 1980
Eerste minister John Vorster
Pieter Willem Botha
Voorafgegaan deur Homself (Gemeenskapsontwikkeling)
Hennie Smit (Indiërsake)
Opgevolg deur Stephanus François Kotzé
Minister van Gemeenskapsontwikkeling, Indiërsake en Toerisme
Ampstermyn
1975 – 1978
Eerste minister Pieter Willem Botha
Voorafgegaan deur Chris Heunis (Indiërsake en Toerisme)
Abraham du Plessis (Gemeenskapsontwikkeling)
Opgevolg deur Homself (Gemeenskapsontwikkeling)
Louis le Grange (Toerisme)
Persoonlike besonderhede
Gebore 25 Desember 1914
Dordrecht, Unie van Suid-Afrika
Sterf 12 Julie 1998 (op 83)
Stellenbosch, Suid-Afrika
Politieke party Verenigde Party
Nasionale Party
Handtekening van Marais Steyn voor in 'n boek Toesprake deur sy Hoog-Edelagbare J.C. Smuts.

Sy politieke loopbaan begin in die belangrike verkiesing van 1948 waarin die Nasionale Party onverwags 'n oorwinning oor die Verenigde Party onder leiding van genl. Jan Smuts behaal toe die 33-jarige Steyn die kiesafdeling Alberton aan die Witwatersrand met 'n meerderheid van 171 teenoor dr. H.F. Verwoerd, destyds redakteur van die Nasionale Party-orgaan Die Transvaler, wen, ondanks alle voorspellings dat Verwoerd sou seëvier. Selfs Smuts het gedink Steyn sou nie veel meer kon doen as om Verwoerd besig te hou in die aanloop tot die verkiesing nie.[4]

Hy wen die kiesafdeling Yeoville in 1961, 1966 en 1970 met reuse-meerderhede vir die Verenigde Party. Ná 'n kwarteeu in opposisie sluit hy hom in 1973 by die Nasionale Party aan. Eerste minister John Vorster stel hom hierna aan as minister vir gemeenskapsontwikkeling en Indiërsake. Later word hy ook minister van toerisme en Kleurlingsake.

Steyn sluit sy politieke loopbaan af as eers ambassadeur in die Verenigde Koninkryk en later in Transkei tot sy aftrede in 1986. Hy sterf in 1998 op Stellenbosch aan hartversaking.

Verwysings
  1. Kleurryke politikus sterf in Eikestad[dooie skakel], Die Burger, 14 Julie 1998.
  2. Steynsburg vier sy 140ste bestaansjaar[dooie skakel]
  3. Menings: Steynsburg sal sy seun lank onthou, Die Burger, 31 Julie 1998.
  4. Sahistory.org.za
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.