Maracaibomeer
Die Maracaibomeer (Spaans: Lago de Maracaibo) is met 'n oppervlakte van 13 210 km² die grootste meer in Suid-Amerika. Dit is 'n binnemeer in die noordweste van Venezuela net oos van die grens tot Colombia en is suid van die Golf van Venezuela en die Karibiese See geleë. Die meer is ná Maracaibo genoem, Venezuela se belangrikste hawestad en tweede grootste stad, wat in die noorde van die Maracaibomeer lê.
| Maracaibomeer | |
|---|---|
 Satellietbeeld van die Maracaibomeer | |
 Kaart van die Maracaibomeer | |
| Koördinate: | 09°48′57″N 71°33′24″W |
| Ligging: | Venezuela |
| Soort: | Kus-soutwater, baai |
| Oppervlakte: | 13 210 km² (5 100 myl²) |
| Maksimum diepte: | 60 meter (200 voet) |
| Volume: | 280 km³ (23 myl³) |
| Lengte: | 159 km (99 myl) |
| Breedte: | 108 km (67 myl) |
| Invloei: | Catatumborivier |
| Uitvloei: | Golf van Venezuela |
| Eiland/e: | 467 |
| Nedersettings: | Maracaibo, Cabimas |
Die stad Maracaibo en die Maracaibomeer
In die 16de eeu is die Welser-kolonie Klein-Venedig rondom die meer gestig, 'n poging om die gebied te koloniseer. Die Maracaibomeer is veral belangrik vir Venezuela se olie-industrie, dié land se grootste ru-olieveld is in die ooste van die meer geleë.
Eksterne skakels
Wikimedia Commons het meer media in die kategorie Maracaibomeer.
Normdata  |
|
|---|
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.