Mamelodi Sundowns

Mamelodi Sundowns Football Club is in Marabastad gestig in die vroeë 1970's deur 'n groep jeugdiges insluitend Frank "ABC" Motsepe, Roy Fischer, Ingle Singh en Bernard Hartze.

In 1973 is die klub geaffilieer by die Federasie Professionele Sokkerliga en in die jaar bereik hul die eindstryd van die Coca-Cola beker; hulle het teen Berea United met 5-3 verloor. In 1978 het die Federasie Professionele Sokker Ligavereniging met die Nasionale Professionele Sokkerliga saamgesmelt, wat Sundowns na die tweede afdeling van die Nasionale Professionele Sokkerliga laat skuif het.

Sundowns het vir jare 'n stryd gevoer in die tweede afdeling. Gedurende hierdie periode het Sundowns se bestuur besluit om die klub te ontbind. Aan die einde is daar in plaas daarvan vir Boy Mafa genader, wat die konsessiesaak vir R2000.00 gekoop het, in 'n transaksie wat bemiddel is deur Dikgang Moseneke. Dit het daartoe gelei dat die klub in die vroeë 1980's na Mamelodi hervestig is.

In 1984 word Suid-Afrikaanse sokker die eerste sport om nierassig te word en word die Nasionale Sokkerliga gevorm waarby al die top klubs in die land ingelyf is – Sundowns is bo-aan die tweede afdeling geplaas. Dit het die klub slegs een seisoen geneem om na die Eerste Afdeling bevorder te word, alhoewel dit maar swaar gegaan het totdat Zola Mahobe aanboord gekom het en Ben Segale as afrigter aangestel het.

In 1986, met Stanley "Screamer" Tshabalala as afrigter het Sundowns hulle eerste belangrike trofee gewen – die Mainstay Beker nadat hulle Jomo Cosmos 1-0 in 'n herhaalwedstryd op Ellispark gewen het. Teen die einde van die 1987 seisoen het Sundowns die BP Top Agt, JPS-beker en die Castle Ligakampioenskap gewen en daarmee die heerskappy van die drie groot Sowetoklubs verbreek.

In 1988 het eienaarskap na Standard Bank oorgegaan toe die klub van Zola Mahobe teruggeneem is. Die Twins Farmaseutiese Groep wat deur die Krokbroers besit is, het die klub weer van Standard Bank gekoop. Angelo en Anastasia Tsichlases het ook in die tyd aanboord gekom. Anastasia het besturende direkteur geword en Angelo die voorsitter. In 2003 het mynmagnaat Patrice Motsepe 51% van die aandele in die klub gekoop. In 2004 het hy algehele beheer van die klub oorgeneem deur die oorblywende aandele te koop en daarmee die alleeneienaar van die klub te word. Die klub is hernoem na Mamelodi Sundowns en hervestig by die HM Pitje-stadion as die span se tuisveld.

• Kampioen Suid-Afrika (12)

1997–98, 1998–99, 1999–00, 2005–06, 2006–07, 2013–14, 2015–16, 2017–18, 2018–19, 2019–20, 2020/21, 2021/22

(Naaswenner (3): 2009–10, 2014–15, 2016–17)

• Suid-Afrikaanse Beker (5)

1986, 1998, 2008, 2014–15, 2019–20

(Naaswenner (5): 1989, 2000, 2001, 2007, 2011–12)

• Teko Modise
• Zane Moosa
• Matthew Booth
• Alje Schut

Wikimedia Commons bevat media in verband met Mamelodi Sundowns.

• Mamelodi Sundowns Amptelike Webwerf
• Premier Soccer League
• PSL-klub inligting Geargiveer 24 September 2006 op Wayback Machine
• South African Football Association Geargiveer 16 Mei 2008 op Wayback Machine
• Confederation of African Football