Makahiki

Die Makahiki-seisoen is die antieke Hawaiërs se nuwejaarsfees ter ere van die god Lono. Dit word gevier oor vier opeenvolgende maanmaande, omstreeks van Oktober of November deur Februarie of Maart. Die fokus van die seisoen was vir mans, vroue en hoofde om te rus en die liggaam te versterk ná die jaarlikse oes.

Geskenke word aangedra na die Hawaise god Lono, 2010.
Hawaise stoeiwedstryde tydens Makahiki.

Gedurende die Makahiki-seisoen was werk verbode en daar was dae vir rus en feesvier. Die Hawaiërs het hulde aan hulle god Lono, of Lonoikamakahiki, gebring vir sy sorg. Hy het lewe, seëninge, vrede en oorwinning na die land gebring. Hulle het ook tot die gode gebid vir die dood van hulle vyande. Gewone mense het gebid dat die grond van hulle aliʻi (hoof) vergroot mag word en dat hulle eie fisieke gesondheid en dié van hulle hoofde van die beste sou wees.[1]

In die oudheid het baie godsdienstige seremonies in dié tyd plaasgevind. Gewone mense het ophou werk en offerandes aan die aliʻi gebring. Hulle sou aan sport deelneem, feesvier, dans en gemeenskapsbande hernu. Gedurende die vier maande van die Makahiki-seisoen was oorlog verbode om te verseker dat niks die oeste nadelig sou beïnvloed nie.[2]

Vandag word die Alohafeeste in Hawaii gevier in die plek van die Makahiki-seisoen.[3]

Verwysings
  1. Hawaiian Antiquities Mo'olelo Hawai'i. David Malo. 1898.
  2. Kirch, Patrick Vinton (2010). How Chiefs Became Kings: Divine Kingship and the Rise of Archaic States in Ancient Hawai'i. Berkeley, CA, USA: University of California Press – via ProQuest ebrary. (Besoek op 18 November 2014)
  3. Mary Kawena Pukui en Samuel Hoyt Elbert (2003). "Lookup of makahiki", in Hawaiian Dictionary. Ulukau, the Hawaiian Electronic Library, University of Hawaii Press. Besoek op 21 September 2010.

Skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.