Mahmoed II

Mahmoed II (Ottomaanse Turks: محمود ثاني, moderne Turks: II.Mahmut; 20 Julie 1785 – 1 Julie 1839) was van 1808 tot 1839 sultan van die Ottomaanse Ryk. Hy was die seun van sultan Abdülhamid I en is veral bekend vir sy omvattende militêre en regshervormings. Hy en sy broer, Mustafa IV, wat hy opgevolg het, was die laaste oorblywende manlike lede van die Huis van Osman ná die moord op hul neef, die hervormer Selim III.

Mahmoed II
Sultan van die Ottomaanse Ryk Kalief van Islam
Volle naam	Sultan Mahmoed II
Ottomaanse naam	محمود ثاني
Tydperk	1808–1839
Stadium	Stagnasie van die Ottomaanse Ryk
Huis	Osman
Voorganger	Mustafa IV
Opvolger	Abdülmecid I
Toegra

Selim het groot hervormings probeer deurvoer, maar dit was nie gewild onder die paleiswag nie. Hulle het gerebelleer, Selim laat gevange neem en Mustafa op die troon geplaas. Intussen het ’n groot leër onder aanvoering van ’n voorstander van die hervormings na Konstantinopel opgeruk om Selim te red. In ’n poging om sy posisie te verseker het Mustafa gelas dat Selim en Mahmoed vermoor word. Selim is vermoor, maar Mahmoed het weggekruip.

Die leër het Mustafa by hul aankoms in die hoofstad van die troon gesit en deur Mahmoed vervang. Mahmoed het die hervormings van sy neef voortgesit. Hy het ook die paleiswag in 1826 ontbind en die Tanzimat-hervormings in 1839 begin om die Ottomaanse Ryk te moderniseer. Dit het ’n onmiddellike effek gehad op die sosiale en regsaspekte van die Ottomane se lewe, soos Europese klere, argitektuur, wette, ens.

Mahmoed is in 1839 aan tering dood. Hy is opgevolg deur sy seun Abdülmecid I.

Hierdie artikel is vertaal vanuit die Engelse Wikipedia