Magellanruimtetuig

Die Magellanruimtetuig, ook die Venus-radarkarteerder genoem, was 'n ruimtetuig van NASA wat ontwerp was om die planeet Venus te verken. Die tuig is op 4 Mei 1989 gelanseer en bereik Venus op 10 Augustus 1990.[1] Dit was vir vier jaar in 'n wentelbaan om Venus waartydens die planeet se swaartekrag gemeet en gedetailleerde kaarte van die oppervlak met behulp van radar gemaak is. As gevolg van die planeet se dik atmosfeer, kon wetenskaplikes vir die eerste keer sien hoe die planeet se oppervlak lyk.[2] Op 13 Oktober 1994 is die tuig doelbewus op die planeet laat neerstort.[1]

Die Magellanruimtetuig
Die oppervlak van Venus, soos deur die tuig gekarteer.

Die Magellanruimtetuig was die eerste ruimtetuig wat van 'n ruimtependeltuig, die Atlantis, gelanseer is. Dit was ook die eerste ruimtetuig wat toegelaat is om doelbewus op 'n planeet neer te stort.[2] Die Magellan was van onderdele vervaardig wat van ander ruimteprogramme oorgebly het, insluitende die Voyager-program.

Dit is na die Portugese ontdekker, Ferdinand Magellaan (1480 - 1521) vernoem.[2]

Verwysings
  1. Hamilton, Calvin J. (2012). "Magellan Mission to Venus". solarviews.com (in Engels). Geargiveer vanaf die oorspronklike op 3 November 2019. Besoek op 10 Augustus 2012.
  2. "Magellan Spacecraft - Venus Radar Mapper". aerospaceguide.net (in Engels). 2012. Geargiveer vanaf die oorspronklike op 7 November 2019. Besoek op 10 Augustus 2012.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.