Macbeth

Macbeth (volle titel The Tragedy of Macbeth) is een van William Shakespeare se bekendste dramas en ook sy kortste tragedie. Dit word gereeld in beroeps- en amateurteaters reg oor die wêreld opgevoer.

'n Plakkaat vir 'n Amerikaanse produksie van Macbeth in 1884, met die hoofrol van Thomas W. Keene. Anti-kloksgewys van bo links, is: Macbeth en Banquo ontmoet die hekse; net na die moord op Duncan; Banquo se spook; Macbeth veg Macduff; en Macbeth.

Die toneelstuk is losweg gegrond op die geskiedkundige relaas van Koning Macbeth van Skotland deur Raphael Holinshed en die Skotse filosoof Hector Boece.[1] Die drama word oor die algemeen beskou as 'n tipiese verhaal oor die gevare van grootheidswaan en verraad.

Daar word vermoed dat dit in 1606.die eerste keer opgevoer is. Dit dramatiseer die skadelike fisieke en sielkundige gevolge van politieke ambisie vir diegene wat mag om sy eie ontwil soek.

Macbeth is in Afrikaans vertaal deur Eitemal en is in 1965 onder dieselfde titel vir die eerste keer uitgegee.

In die wêreld van teaterkuns glo sommige dat die drama vervloek is, en om nie sy titel binne 'n teater hardop te noem nie, maar eerder daarna as "The Scottish Play" te verwys. In die loop van baie eeue het die toneelstuk van die bekendste akteurs tot die rolle van Macbeth en Lady Macbeth gelok. Dit is aangepas by film, televisie, opera, romans, strokiesprente en ander vorms van media.

Karakters
  • Duncan — Koning van Skotland
  • Malcolm — Duncan se oudste seun
  • Donalbain — Duncan se jongste seun
  • Macbeth - 'n generaal in die leër van koning Duncan; oorspronklik Thane van Glamis, toe Thane van Cawdor, en later Koning van Skotland
  • Lady Macbeth — Macbeth se vrou en latere koningin van Skotland
  • Banquo — Macbeth se vriend en 'n generaal in die leër van koning Duncan
  • Fleance — Banquo se seun
  • Macduff — Thane van Fife
  • Lady Macduff —Macduff se vrou
  • Macduff se seun
  • Ross, Lennox, Angus, Menteith, Caithness — Skotse Thanes
  • Siward — Generaal van die Engelse leër
  • Young Siward — Siward se seun
  • Seyton — Macbeth se bemanningslid
  • Hecate — Koningin van die hekse
  • Die drie hekse
  • Captain — in die Skotse leër
  • Three Murderers — aangestel deur Macbeth
  • Third Murderer
  • Two Murderers— val Lady Macduff aan
  • Porter — poortwagter by Macbeth se huis
  • Doctor — Lady Macbeth se dokter
  • Doctor — by die Engelse hof
  • Gentlewoman — Lady Macbeth se opsigter
  • Lord — gekant teen Macbeth
  • First Apparition — gewapende kop
  • Second Apparition — kind vol bloed
  • Third Apparition— kind met kroon
  • Bywoners, Boodskappers, Dienaars, Soldate

Temas en motiewe

Macbeth is op sekere maniere 'n anomalie onder Shakespeare se tragedies. Dit is kort: meer as 'n duisend reëls korter as Othello en King Lear, en net effens meer as die helfte so lank as Hamlet. Omdat dit so kort is het baie kritici voorgestel dat die ontvangde weergawe gebaseer is op 'n swaar gesnyde bron, miskien 'n boek vir 'n spesifieke opvoering. Dié kortheid het ook verband gehou met ander ongewone eienskappe: die vinnige pas van die eerste handeling, wat gelyk het as 'gestroop vir aksie'; die vergelykende platheid van die karakters anders as Macbeth en die vreemdheid van Macbeth self in vergelyking met ander Shakespeare-tragiese helde.

Verwysings
  1. "The Columbia Encyclopedia, Sesde uitgawe". Geargiveer vanaf die oorspronklike op 2 April 2008. Besoek op 15 Maart 2007.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.