Mahendra Singh Dhoni

Mahendra Singh Dhoni (7 Julie 1981 in Ranchi) is 'n voormalige Indiese krieketspeler en kaptein van die Indiese nasionale krieketspan. Hy het onder meer tydens die Kampioenetrofeë in 2006, 2009, 2013 en 2017, die krieketwêreldbekertoernooie in 2007, 2011, 2015 en 2019, asook die T20I-wêreldbekertoernooie in 2007, 2009, 2010, 2012, 2014 en 2016 vir Indië gespeel.

MS Dhoni
MS Dhoni in 2018
Volle naam Mahendra Singh Dhoni
Gebore 7 Julie 1981 (1981-07-07)
Ranchi, Bihar, Indië
Bynaam(e) Mahi, MS, MSD
Lengte 1,75 m
Kolfstyl Regshandig
Boulstyl Regterarm medium
Rol Kolwer, paaltjiewagter, Toets-, EDI- en T20I-kaptein
Internasionale geskiedenis
Nasionale span Indië
Toetsdebuut (no 251) 2 Desember 2005 v Sri Lanka
Laaste Toets 26 Desember 2014 v Australië
Toetshempno. 251
EDI debuut (no 158) 23 Desember 2004 v Bangladesj
Laaste EDI 25 Oktober 2015 v Suid-Afrika
EDI hempno. 7
T20I debuut (no 2) 1 Desember 2006 v Suid-Afrika
Laaste T20I 5 Oktober 2015 v Suid-Afrika
T20I hempno. 7
Eersterangse spaninligting
Jaar(e) Span
1999–2004 Bihar
2004/05-2020 Jharkhand
2008–2020 Chennai Super Kings
Loopbaanstatistiek
Kompetisie Toets EDI 1e rang T20I
Wedstryde 90 350 131 98
Lopies aangeteken 4,876 10,773 7,038 1,617
Kolfgemiddeld 38.09 50.53 36.84 37.60
100s/50s 6/33 10/73 9/42 0/2
Hoogste telling 224 183* 224 56
Aflewerings geboul 96 36 126 —-
Paaltjies 0 1 0 —-
Boulgemiddeld - 31.00 —- —-
5 paaltjies in 'n kolfbeurt - —- —- —-
10 paaltjies in 'n wedstryd - —- —- —-
Beste boulontleding - 1/14 —- —-
Vangskote/Stonkings 256/38 321/123 364/57 57/34
Bron: Cricinfo, 15 Augustus 2020

Hy is 'n aanvallende, regterhandse middelordekolwer en paaltjiewagter. Hy word wyd beskou as een van die beste teikenjagters in eendagkrieket. Hy maak sy debuut in 'n Internasionale eendagwedstryd (EDI) in Desember 2004 teen Bangladesj, en 'n jaar later speel hy sy eerste toets teen Sri Lanka.

Internasionale loopbaan
Dhoni receiving Padma Shree in April 2018

Mahendra Singh Dhoni was die kaptein van Indië in al drie vorms van die spel. Sy toets- en eendagrekord is die beste van alle Indiese kapteins tot op hede. Hy het die eendagkapteinskap oorgeneem by Rahul Dravid in 2007 tydens die span se eerste bilaterale eendagreeks oorwinnings in Sri Lanka en Nieu-Seeland. Onder sy kapteinskap het Indië die 2007 ICC Wêreldbeker Twintig20, die CB-reeks van 2007-08, die 2010 Asië-beker, die Krieketwêreldbeker 2011 en die 2013 ICC Kampioenetrofee gewen. In die eindstryd van die Krieketwêreldbeker 2011 behaal Dhoni 91 lopies van net 79 balle om Indië tot 'n oorwinning te lei waarna hy as die Speler-van-die-Wedstryd aangewys is. Ná hy toetskaptein word in 2008, lei hy die span tot reeksoorwinnings in Nieu-Seeland en Wes-Indië en verower ook die Border Gavaskar-trofee in 2008, 2010 en 2013. In 2009 het Dhoni se bydrae daartoe gelei dat die Indiese span een posisie opskuif (vir die eerste keer) op die IKR-ranglys. In 2013, onder sy kapteinskap, het Indië die eerste span in meer as 40 jaar geword om Australië te klop in 'n toetsreeks. Dhoni is die eerste kaptein om al die ICC-trofees te wen, hy behaal dié prestasie toe Indië vir Engeland wen in die Kampioene-trofee in Engeland in Junie 2013. Hy is ook kaptein van die Chennai Super Kings wat oorwinnings in die 2010 en 2011 seisoene van die Indiese Premier League behaal, asook die 2010 Kampioeneliga Twintig20 inpalm.

Op 15 Augustus het Mahendra Singh Dhoni sy uittrede uit internasionale krieket aangekondig.[1]

Verwysings
  1. (en) "MS Dhoni retirement: Tributes pour in on social media". ESPNcricinfo. 15 Augustus 2020. Besoek op 16 Augustus 2020.

Eksterne skakels
Hierdie artikel is in sy geheel of gedeeltelik vanuit die Engelse Wikipedia vertaal.
   
Klik vir info oor hierdie sjabloon.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.