Messier 96

Messier 96 of M96 (ook bekend as NGC 3368) is ’n oorgangspiraalsterrestelsel sowat 31 miljoen ligjare van die Aarde af in die sterrebeeld Leeu. Dit is in 1781 deur Pierre Méchain ontdek en Charles Messier het dit in sy katalogus van komeetagtige voorwerpe opgeneem.

Messier 96
Soort stelselOorgangspiraalsterrestelsel
SterrebeeldLeeu
TipeSAB(rs)ab
Waarnemingsdata (Epog J2000)
Regte klimming10h 46m 45,7s
Deklinasie+11º 49' 12"
Skynmagnitude10,1
Besonderhede
Afstand (ligjaar)31 miljoen
Skynbare grootte 7,6 × 5,2 boogminute
Ander nameM96, NGC 3368, UGC 5882, PGC 32192
Portaal  Portaalicoon   Sterrekunde

M96 word geklassifiseer as ’n dubbelstaaf-spiraalstelsel met ’n klein binneste uitstulping deur die kern asook ’n groter uitstulping. Variasies in die ultravioletstrale vanaf die kern dui op die teenwoordigheid van ’n supermassiewe swartkolk met ’n geraamde massa van 1,5×106 tot 4,8×107 keer dié van die Son.[1]

Op 9 Mei 1998 is die tipe 1a-supernova SN 1998bu in die sterrestelsel waargeneem.[2] Dit het op 21 Mei sy maksimum helderheid bereik en daarna al hoe dowwer geword.

M96-groep

M96 is die helderste stelsel in die M96-groep, ’n sterrestelselswerm in die Leeu wat die Messier-voorwerpe M95 en M105 asook minstens nege ander sterrestelsels insluit.[3][4][5][6] M96 het asimmetriese spiraalarms en ’n verskuifde kern, moontlik vanweë die swaartekraginvloed van ander, nabygeleë stelsels.

Verwysings
  1. Nowak, N. et al. (April 2010), "Do black hole masses scale with classical bulge luminosities only? The case of the two composite pseudo-bulge galaxies NGC 3368 and NGC 3489", Monthly Notices of the Royal Astronomical Society 403 (2): 646–672, doi:10.1111/j.1365-2966.2009.16167.x, Bibcode: 2010MNRAS.403..646N.
  2. Meikle, P.; Hernandez, M. (2000), "Infrared and optical study of the type Ia SN 1998bu in M96", Memorie della Società Astronomica Italiana 71 (2): 299–306, Bibcode: 2000MmSAI..71..299M.
  3. Nearby Galaxies Catalog, Cambridge University Press, 1988, ISBN 0-521-35299-1.
  4. Fouque, P. et al. (1992), "Groups of galaxies within 80 Mpc. II – The catalogue of groups and group members", Astronomy and Astrophysics Supplement 93: 211–233, Bibcode: 1992A&AS...93..211F.
  5. Garcia, A. (1993), "General study of group membership. II – Determination of nearby groups", Astronomy and Astrophysics Supplement 100: 47–90, Bibcode: 1993A&AS..100...47G.
  6. Giuricin, G. et al. (2000), "Nearby Optical Galaxies: Selection of the Sample and Identification of Groups", Astrophysical Journal 543 (1): 178–194, doi:10.1086/317070, Bibcode: 2000ApJ...543..178G.

    Eksterne skakels

    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.