Ludwig Erhard

Ludwig Wilhelm Erhard (* 4 Februarie 1897 in Fürth; † 5 Mei 1977 in Bonn) was 'n Duitse politikus (CDU) wat tussen 1949 en 1963 as federale minister van ekonomie en tussen 1963 en 1966 as tweede bondskanselier van Wes-Duitsland gedien het.

Ludwig Erhard
Bondskanselier van Duitsland
Ampstermyn 16 Oktober 1963 – 1 Desember 1966
Voorafgegaan deur	Konrad Adenauer
Opgevolg deur	Kurt Georg Kiesinger
Vise-kanselier
Ampstermyn 29 Oktober 1957 – 15 Oktober 1963
Voorafgegaan deur	Franz Blücher
Opgevolg deur	Erich Mende
Minister van ekonomie
Ampstermyn 20 September 1949 – 15 Oktober 1963
Voorafgegaan deur	Walther Funk
Opgevolg deur	Kurt Schmücker
Persoonlike besonderhede
Gebore	4 Februarie 1897 Fürth, Duitse Keiserryk
Sterf	5 Mei 1977 Bonn, Wes-Duitsland
Politieke party	Christelik-Demokratiese Unie (CDU)
Eggenoot/-note	Luise Lotter
Alma mater	Johann Wolfgang Goethe-Universiteit Frankfurt am Main
Religie	Evangelies-Luthers

Erhard, wat sy doktersgraad in ekonomie aan die Johann Wolfgang Goethe-Universiteit van Frankfurt am Main verwerf het, het 'n leidende rol in die na-oorlogse ekonomiese hervormings en herstel in Wes-Duitsland gespeel, veral as minister van ekonomie in kanselier Konrad Adenauer se kabinet voordat hy in 1963 self kanselier geword het. Met sy steun vir 'n sosiale markekonomiese stelsel, wat hy in sy leuse Wohlstand für alle ("Welvaart vir almal") opgesom het, het hy 'n vinnige ekonomiese opswaai bevorder waarna as die "ekonomiese wonder van Duitsland" (Wirtschaftswunder) verwys word.