Louis de Funès

Louis Germain David de Funès de Galarza (Franse uitspraak: ​[lwi ʒɛʁmɛ̃ david də fynɛs də ɡalaʁza];[1] 31 Julie 1914 – 27 Januarie 1983) was 'n Franse akteur en komediant. Volgens verskeie peilings wat sedert 1968 gedoen is, hy is Frankryk se gunsteling akteur – met meer as 130 rolle in film en meer as 100 op die verhoog.[2] Sy toneelspelstyl word onthou vir sy hoë energie-opvoering en sy wye verskeidenheid gesigsuitdrukkings en tiekies. 'n Groot deel van sy bekendste toneelspel is geregisseer deur Jean Girault.

Louis de Funès
'n Beeld van die betrokke persoonlikheid.
De Funès tydens die film van L'homme orchestre, in 1970
Geboortenaam Louis Germain David de Funès de Galarza
Alias Fufu
Geboorte (1914-07-31)31 Julie 1914
Courbevoie, Frankryk
Sterfte 27 Januarie 1983 (op 68)
Nantes, Frankryk
Lewensmaat Germaine Louise Elodie Carroyer (getroud 1936; geskei 1942)
Jeanne Barthelémy de Maupassant (getroud 1943; 1983)
Kinders Daniel
Patrick
Olivier
Beroep(e) Akteur
Aktiewe jare 1945–1982
Internet-rolprentdatabasis-profiel

Louis de Funès is een van die bekendste Franse akteurs van alle tyd, en nog meer so as dit kom by sy internasionale beroemdheid.

Behalwe vir sy uitermate roem in die Franssprekende wêreld, is hy ook 'n bekende naam in plekke soos Rusland, Italië, Duitsland, Spanje, Pole, Turkye, Iran, Griekeland, Israel, Albanië, die voormalige Joego-Slawië, Tsjeggië, Slowakye, Hongarye, Roemenië en Bulgarye.

Ten spyte hiervan bly hy byna onbekend in die Engelssprekende wêreld. Hy is net een keer in die Verenigde State blootgestel aan 'n groter gehoor, in 1974, met die vrystelling van The Mad Adventures of Rabbi Jacob, wat benoem is vir 'n Golden Globe-toekenning.

Verwysings
  1. Team, Forvo. "Louis de Funès pronunciation: How to pronounce Louis de Funès in French". forvo.com.
  2. "Louis de Funès". IMDb.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.